Корен на дланка

Корен на дланка
	Коренот на дланката (црвен дел)
	8 коски кои го градат коренот на дланката Дистален ред:; E = Трапезна коска, F = Трапезоидна коска, G = Главеста коска, H = Кукеста коска ; Проксимален ред:; A = Чунеста коска , B = Полумесечеста коска , C = Триаглеста коска, D = Грашковидна коска; Останато:; 1 = Палечна коска, 2 = Лакотна коска, 3 = Коски на прсти
Податоци
Назнаки
Латински	ossa carpi
MeSH	A02.835.232.087.144
TA	A02.4.08.001
FMA	FMA:71335
	[уреди на Википодатоците]

Коренот на дланката (латински: ossa carpi) е составен од осум коски распоредени во два реда и служи за поврзување на дланката со подлактицата.

Коски во првиот ред[уреди | уреди извор]

Од палецот кон малиот прст во горниот ред се наоѓаат коските: чунеста коска(латински: os scaphoideum), полумесечеста коска (латински: os lunatum), триаглеста коска (латински: os triquetrum) и грашковидна коска (латински: os pisiforme).

Чунеста коска[уреди | уреди извор]

Чунестата коска (латински: os scaphoideum) е сместена меѓу раката и подлактицата на палецот од страна на рачниот зглоб (странична или радијална страна).

Полумесечеста коска[уреди | уреди извор]

Полумесечестата коска (латински: os lunatum) е сместена во центарот на проксималниот ред на карпалниот зглоб на раката. Името на коската произлегува од латинскиот збор луна (латински: luna), што значи месечина.

Tриаглеста коска[уреди | уреди извор]

Триаглестата коска (латински: os triquetrum) се наоѓа во зглобот на медијалната страна на проксималниот ред на карпалниот дел помеѓу полумесечестата и грашковидната коска, се поврзува со грашковидната, кукестата и полумесечестата коска.

Грашковидна коска[уреди | уреди извор]

Грашковидната коска (латински: os pisiforme) е мала коска која наликува на зрно грашок, сместена е на проксималниот ред на карпалниот дел, се спојува единствено со триаглестата коска.

Коски во вториот ред[уреди | уреди извор]

Во вториот ред се наоѓаат коските: трапезна коска (латински: os trapezium), трапезоидна коска (латински: os trapezoideum), главеста коска (латински: os capitatum) и кукеста коска (латински: os hamatum).

Трапезна коска[уреди | уреди извор]

Трапезната коска (латински: os trapezium) е прва коска сместена во дисталниот ред на карпалниот дел, се поврзува со трапезоидната коска.

Трапезоидна коска[уреди | уреди извор]

Трапезоидната коска (латински: os trapezoideum) е најмала коска во дисталниот ред, се поврзува со трапезната, главестата коска и со метакарпалнните коски.

Главеста коска[уреди | уреди извор]

Главестата коска (латински: os capitatum) е најголема коска на коренот на дланката, сместена е во дисталниот ред на карпалниот дел и се поврзува со трапезната, кукестата коска и метакарпалните коски.

Кукеста коска[уреди | уреди извор]

Кукестата коска (латински: os hamatum) наликува на кука и затоа се нарекува кукеста, во горниот дел се спојува со триаглестата коска, а во долниот дел со четвртата и петтата метакарпална коска.

Зглобови[уреди | уреди извор]

Зглобовите на коренот на дланката овозможуваат поврзување на коските од првиот и вториот ред, поврзување помеѓу самите коски и поврзување со метакарпалните коски, како и поврзување со коските од подлактицата;

радиокарпален зглоб (латински: articulaciones manus) ги зглобува долните краеви од палечната и лакотната коска со чунестата, полумесечестата и триаглестата коска од коренот на шаката;
медиокарпален зглоб (латински: articulatio mediocarpea) ги зглобува горниот и долниот ред на карпалните коски. Двата зглоба функционираат како елипсовиден зглоб каде што се вршат движења на флексија, екстензија, абдукција, аддукција и циркумдукција на дланката;
интеркарпални зглобови меѓусебно ги поврзуваат карпалните коски, а по функција се рамни зглобови;
карпометакарпални зглобови го поврзуваат долниот ред од карпалните коски со горните краеви од метакарпалните коски, со исклучок на зглобот од палецот кој е седлест другите четири зглоба се полуподвижни.

Галерија[уреди | уреди извор]

Позиција на коренот на дланката кај човекот (црвен дел).
Карпални коски на левата рака. Осум различни бои ги претставуваат осум различни карпални коски.
Корен на дланка од лева рака.
Чунеста коска.
Полумесечеста коска од лева рака.
Триаголна коска од лева рака.
Грашковидна коска од лева рака.
Позиција на грашковидната коска во дланката.
Трапезна коска од лева рака.
Трапезоидна коска од лева рака.
Главеста коска од лева рака.
Кукеста коска од лева рака.
Коски на коренот на дланката.

Надворешни врски[уреди | уреди извор]

Оваа статија од областа на анатомијата е никулец. Можете да помогнете со тоа што ќе ја проширите.

п р у Список на коските на скелетот кај човекот
Череп (neurocranium)	челна коска • темена коска • слепоочна коска • тилна коска • клинеста коска • ситеста коска
Череп (viscerocranium)	горновилична коска • долновилична коска • носна коска • јаболчна коска • солзна коска • непчена коска • долна носна школка • рало Грло: подјазична коска (јазична коска)
Средно уво	Чеканче • стремен • наковална
‘Рбетен столб	вратни прешлени • градни прешлени • слабински прешлени • крсна коска • седална коска
Градна празнина	градна коска • ребра
Горни екстремитети	Раменски појас: клучна коска • плешка Рака: надлактица • лакотна коска • палечна коска Дланка: Корен на дланка (чунеста коска • полумесечеста коска • триаглеста коска • грашковидна коска • трапезна коска • трапезоидна коска • главичеста коска • кукаста коска) • Коски на прстите • Делови на прстите (проксимален • среден • дистален)
Долни екстремитети	Карлица: карлична коска (странична коска • седална коска • препонска коска) Нога: бедрена коска • ивер • голема писка • мала писка Стапало: Коски на нозете: (петна коска • глуждова коска • чунеста коска • медијална клинеста коска • средна клинеста коска • странична клинеста коска • коцкаста коска) • Корен на стапалото • Делови на прстите (проксимален • среден • дистален)