Хром

Хром.

Хромот е хемиски елемент во периодниот систем што го има симболот Cr и атомскиот број 24.

Важни карактеристики

Хромот е челично-сив, блескав, цврст метал кој има висока точка на топење. Тој е исто така без мирис, без вкус и е донекаде ковлив.

Најчестите оксидациони броеви на хромот се +2, +3 и +6, со тоа што +3 е најстабилен. +1, +4 и +5 се ретки. Соединенијата на хромот каде тој има оксидационен број 6 се моќни оксиданси.

Хромот слабо реагира со кислородот и формира многу тенок, нерастворлив, заштитен оксид кој превенира понатамошна оксидација на металот кој лежи под оксидот.

Примена

Хромот се употребува:

• Во металургијата, да ја успори корозијата и да даде сјај:
  • како конституент во легура
  • во оклопите од хром
  • во анодизираниот алуминиум
• Како боја:
  • Хром(III) оксид е средство за полирање на металите
  • Хромските соли го обојуваат стаклото во смарагдно зелено
  • Хромот ги прави рубините црвени, и затоа тој се користи во производство на синтетички рубини
  • Ја создава бојата брилијант-жолта за бојадисување
• Како катализатор итн.

Биолошка улога

Тривалентниот хром, Cr(III), или Cr³⁺, е потребен во траги за метаболизмот на шеќерот кај луѓето, а неговиот недостаток може да предизвика хипохромија. За споредба, шестовалентниот хром е многу токсичен.

Наоѓање

Хромот се ископува како хромитна руда (FeCr₂O₄). Грубо кажано, половина од хромитната руда во светот се произведува во Јужна Африка. Казахстан, Индија и Турција се исто така големи производители.