Селен

Селен.

Селенот е хемиски елемент со атомски број 34 и хемиски симбол Se. Тој не се наоѓа слободен во природата. Претставува неметал кој е хемиски поврзан со сулфурот и телурот. Токсичен е во големи количини, но негови количини во траги (кои го образуваат активниот центар на некои ензими) се неопходни за функционирањето на сите клетки (веројатно) кај сите живи организми.

Изолираниот селен постои во неколку различни форми, но најстабилна од нив е густата сива полуметална (полупроводничка) форма која структурно е триаголен полимерен синџир. Проведува електричество подобро на светлина отколку на темно и се користи во фотоќелиите. Исто така, селенот постои во многу непроводнички форми: црна стакловидна супстанца, како и неколку црвени кристални форми изградени од осумчлени прстенести молекули, како неговиот посветол роднина сулфур.

Селенот се наоѓа во поголеми количини во сулфидните руди како што е пиритот.