Парен притисок
Парниот притисок е притисокот на кој при одредена температура парата е во состојба на рамнотежа со течноста. Исто така, се јавува и рамнотежа на нивните количества, затоа што колку течност испарува, толку и се кондензира.
Притисокот на заситена пара зависи од видот на течноста и температурата. Доколку температурата расте, расте и притисокот, добивајќи максимална вредност при критичната температура и тогаш се нарекува и критичен притисок затоа што на поголем притисок течноста и не би постоела.
Ако на одредена температура (точка на вриење) притисокот на заситената пара е еднаков со атмосферскиот притисок, супстанцијата врие.
Притисокот на заситена пара е еден од параметрите кои ги карактеризираат супстанциите, а особено течностите. Доколку не е наведена температурата при која се добиени податоците за притисокот, тогаш се подразбираат стандардни услови.
