Колаген

Од Википедија — слободната енциклопедија
Прејди на: содржини, барај
Тројна спирала на тропоколаген

Колагенот е главен протеин на сврзното ткиво кај животните и најзастапен протеин кај цицачите.[1] Tој сочинува околу 25-35% од вкупната содржина на белковини во организмот. Во мускулното ткиво служи како главна компонента на ендомизиумот. Колагенот сочинува 1-2% од сврзното ткиво на мускулите, а претставува 6% од тежината на еден цврст мускул. Желатинот кој се користи во прехранбената индустрија е добиен со хидролиза на колаген.

Колагенот се создава во цистерните на гранулираниот ендоплазматичен ретикулум како проколаген. Проколагенот е изграден од три левогири полипептидни синџири, кои меѓусобно се десногиро свиткани и стабилизирани со водородни врски, со слободни краеви. Кога под влијание на ензимите ќе се отстранат краевите, се добива структурна единица на колаген, наречена тропоколаген. Во екстрацелуларниот матрикс на единицата на тропоколаген спонтано се здружуваат во издолжени влакна на колаген.

Видови[уреди]

Постојат 28 видови колаген, опишани во литературата. Најзастапен е колаген I, кој ги сочинува основните влакна на сврзното ткиво. Покрај него, чести се и колаген II, III и IV. Колагените влакна се главната структурна компонента на екстрацелуларниот матрикс, за која се врзуваат другите структури (еластин, протеогликeни, адхезивни протеини на екстрацелуларниот матрикс), но влакна има и во некои клетки. Тој е многу важен во рскавицата, лигаментите, тетивите, коските, забите, а овозможува затегнатост на кожата и крвните садови. Присутeн е и како кристалин во очните леќи.

Надворешни врски[уреди]

Наводи[уреди]

  1. Gloria A. Di LulloDagger , Shawn M. Sweeney, Jarmo Körkkö, Leena Ala-Kokko, and James D. San Antonio; Mapping the Ligand-binding Sites and Disease-associated Mutations on the Most Abundant Protein in the Human, Type I Collagen; J. Biol. Chem., Vol. 277, Issue 6, 4223-4231, 8 февруари, 2002 анг.