Бубрег

Од Википедија

Бубрегот (латински ren) е парен орган сместен во ретроперитонеалниот (пред стомачната обвивка) простор од последниот граден до вториот слабински пршлен. Наликува на зрно грав со тежина од 150 gr. На секој бубрег се разликуваат две страни-предна и задна, два краја-горен и долен и два раба-медијален и латерален. На медијалниот раб се наоѓа влез кој води до бубрежна празнина или синус. Бубрегот е составен од два дела: бубрежна срцевина и бубрежна кора. Бубрежната срцевина се состои од бубрежни пирамиди, чии врвови се насочени кон празнината. Микроскопски бубрегот е составен од основни анатомски функционални единки-нефрони. Секој нефрон се состои од бубрежно телце и бубрежно цевче. Бубрежното телце е составено од клопче на артериски капилари обвиткано со Бовманова капсла. Тука се создава примарната урина.