Спанчево

Од Википедија — слободната енциклопедија
Прејди на прегледникот Прејди на пребарувањето
Спанчево
Спанчево 01.jpg

Поглед кон Спанчево од пругата кај Чешиново

Спанчево is located in Македонија
Спанчево
Местоположба на Спанчево во Македонија
Координати 41°54′20″N 22°18′30″E / 41.90556° СГШ; 22.30833° ИГД / 41.90556; 22.30833Координати: 41°54′20″N 22°18′30″E / 41.90556° СГШ; 22.30833° ИГД / 41.90556; 22.30833
Општина Грб на Општина Чешиново-Облешево Чешиново-Облешево
Население 1.048 жит.
(поп. 2002)
Надм. вис. 309 м. м
Commons-logo.svg Спанчево на Ризницата


Спанчево — село во Општина Чешиново-Облешево, во околината на градот Кочани.

Географија[уреди | уреди извор]

Селото се наоѓа во Кочанското Поле, на 10-на км западно од Кочани. Претставува ридска населба на надморска височина од 350 метри. Атарот зафаќа 16,7 км2. Селото има полјоделско-сточарска функција.

Историja[уреди | уреди извор]

Црквата „Св. Архангел Михаил“ во Спанчево

На ритчето кај црквата „Св. Атанасиј”, се наоѓа енеолитска населба, од периодот 4000 години пр.н.е. Уште при првите ископувања, откриен е објект во кој се извршувале верски обреди и пронајдени се многу предмети од керамика.[1]

Во текот на 2007 година, во близината на селото, при вршење на земјоделски работи биле пронајдени повеќе женски фигурини кои потекнуваат од енеолитот, што ги поттикнало археолозит да иницираат сондажни истражувања. За истражувањата одобрени биле средства од Министерството за култура.

Откриени се праисториски алатки изработени од коска и камен, накит од школки, фигури со антропоморфни и зооморфни карактеристики, керамика со врежување на разни фигури, како и рогови од крави и елени. Од истражениот простор може да се заклучи дека луѓето го користеле како праисториско светилиште во периодот на енеолитот, односно во четвртиот милениум пред нашата ера. [2]

Во XIX век, селото било дел од Кочанската каза во Отоманската Империја.

Демографија[уреди | уреди извор]

Според статистиката на Васил К'нчов („Македониja, Етнографиja и статистика“) од 1900 година, во Спанчево живееле 760 жители, сите Македонци.[3]

Според секретарот на бугарската егзархија Димитар Мишев („La Macédoine et sa Population Chrétienne“), во 1905 година во Спанчево имало 608 Македонци, егзархисти.[4]

Според пописот од 2002 година, селото имало 1.048 жители, сите Македонци и претставува голема населба со стабилна демографска положба.[5]

На табелата е прикажан бројот на население во сите пописни години:[6]

Година 1900 1905 1948 1953 1961 1971 1981 1991 1994 2002
Население 760[3] 608[4] 923 1.043 1.209 1.136 1.090 1.051 1.061 1.048

Родови[уреди | уреди извор]

Спанчево е македонско село.

Родови во селото: Ризовци (10 к.) најстар род во селото, доселени се, али не знаат од каде; Голомевци (22 к.) втор најстар род во селото, и они не знаат од каде се доселени; Драјчевци (25 к.) доселени се од некое село во Малешевијата (беровско); Ивковци (11 к.) доселени се од некое место во дебарско, затоа ги викаат и Арнаутовци; Толошманци (8 к.), Пелетечки (6 к.) и Ламбевци (6 к.) порано биле еден род, доселени се од селото Талашманце, кратовско. Од Талашманце најпрво се иселиле во Рајчани, па од таму во Спанчево. Ја знаат следната генеологија Јордан (жив на 66 год. крајот на 1950тите) Апостол-Михо-Ристо-Арсо. Ристо прешол во Рајчани, а Михо во Спанчево; Рајчанци (8 к.) доселени се од селото Рајчани, еден дел од родот се вика Поповци, и во Рајчани биле доселени однекаде; Свиланци (3 к.) доселени се во втората половина на 19ти век од сега раселеното село Свиланово, ја знаат следната генеологија Крсто (жив на 65 год. крајот на 1950тите) Мите-Костадин, кој се доселил; Демировци (8 к.), Шејтановци (5 к.), Боцевци (12 к.), Ризовци (10 к.), Грбевци (3 к.), Ѓурчиновци (2 к.), Тарлевци (10 к.), Петашки (7 к.), Ѓурчиновци (2 к.) и Крушивци (5 к.) доселени се однекаде, сите се доселени до крајот на турското владеење; Додевци (1 к.) и Егејци (4 к.) доселени се после војните, од 1945 натака, првите се доселени од селото Конопница, кривопаланечко, а вторите од Егејска Македонија.[7]

Наводи[уреди | уреди извор]

  1. 12.06.2008 vest.com.mk
  2. 30.10.2010 Во "Св. Атанасиј" откриена фигура на машка глава од енеолитот. vecer.com.mk
  3. 3,0 3,1 Кънчов, Васил. „Македония. Етнография и статистика“. София, 1900, стр.226.
  4. 4,0 4,1 Brancoff, D.M. "La Macedoine et sa Population Chretienne". Paris, 1905, р. 132-133.
  5. http://www.stat.gov.mk/publikacii/knigaX.pdf Попис во Македонија 2002. - Книга 10.
  6. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.
  7. Трифуноски, Јован (1970). Кочанска Котлина. Скопје: Универзитетска печатница. 

Поврзано[уреди | уреди извор]

Надворешни врски[уреди | уреди извор]