Меѓусловенски јазик

Меѓусловенски
Medžuslovjansky Меджусловјанскы
Знаме на меѓусловенскиот јазик
Создаден од	Ондреј Речник, Габриел Свобода, Јан ван Стенберген, Игор Пољаков, Војтјех Мерунка, Стивен Раѓиковски
Датум	2006
Прилики и употреба	Помошен јазик за општење помеѓу говорници на разни словенски јазици
Народ	Словени
Говорници	7000  (2020)
Причина	Вештачки Меѓународен помошен јазик Пансловенски јазик меѓусловенски
Писмо	латиница, кирилица, глаголица
Статус
Регулативен орган	Меѓусловенска комисија
Јазични кодови
ISO 639-3	isv

Меѓусловенски јазик (меджусловјанскы на кирилица и medžuslovjansky на латиница; пред 2011 година исто така и словјански на кирилица и slovjanski или slovianski на латиница) — сесловенски вештачки јазик, осмислен во 2006 г. од страна на јазичари од разни места на светот. Неговата цел е да ја олесни комуникацијата помеѓу говорниците на било кој словенски јазик, како и да помогне на луѓе кои не зборуваат еден таков јазик да комуницираат успешно. Во популарната култура првпат е употребен во филмот „Обоена птица“ на Вацлав Мархул, каде игра улога на неспецифициран источноевропски јазик.

Меѓусловенскиот е полувештачки јазик. Базира се на старословенскиот, а исто така и произлегува од импровизираните јазични форми кои Словени ги користеле со векови да комуницираат со други Словени од различни народности. Целта на словјански е да ги втемели научно овие јазични форми, така што граматиката и речникот се засновани на словенските јазици. За разлика од Словио кој е шематски јазик со граматика заснована на Есперанто, меѓусловенскиот јазик е повеќе природен, отколку вештачки. Главната цел е разбирање, а не лесно учење.

Меѓусловенскиот може да се пишува со кириличното или латиничното писмо. Јазикот веќе има 37.000 зборови.

Азбука

Меѓусловенскиот јазик се пишува на две азбуки: кирилица и латиница. Латинската азбука користи скоро сите стандардни букви од латиницата но додатно на тоа се користат и дијакритички знаци (ě č š ž) за означување на изговор.

Меѓусловенските азбуки

Кирилица	а	б	ц	ч	д	е	є	ф	г	х	и	ј	к	л	љ	м	н	њ	о	п	р	с	ш	т	у	в	ы	з	ж
Латиница	a	b	c	č	d	e	ě	f	g	h	i	j	k	l	lj	m	n	nj	o	p	r	s	š	t	u	v	y	z	ž
Изговор (МФА)	[ɑ] [a]	[b]	[ts]	[tʃ]	[d]	[ɛ] [e]	[jɛ] [je]	[f]	[ɡ] [h] [ɦ]	[x]	[i] [ɪ] [ɨ]	[j] [ʲ]	[k]	[l]	[lʲ] [ʎ]	[m]	[n]	[nʲ] [ɲ]	[o] [ɔ]	[p]	[r]	[s]	[ʂ] [ʃ]	[t]	[u]	[v] [ʋ]	[i] [ɪ] [ɨ]	[z]	[ʐ] [ʒ]

Граматика

Меѓусловенскиот јазик е синтетички јазик, и граматиката на меѓусловенскиот јазик е слична со граматиките на природните словенски јазици. Меѓусловенските именки, како и придавките, имаат род, број и седум падежи, глаголи имаат два глаголски вида, четири времиња и два залога.

Пример

Кирилица	Латиница	Македонски
Ленка Одкогда Ленка оставила кошула тенка ленена недоткајена на ткало и на древаки ишла табак да рјади в фабрика -- лице јеј се изменило; брови паднули навдол и усти завили кораво. Не уродила се Ленка за те пусти табаки! Табаки - жолти отрови, за перси - венци розови. Перви год поминал грудка в сердце јеј лежнала; други год поминал хвороба је в перси разорила. Трети год земја на Ленка сила покрила. И на ноч когда Луна гроб јеј с једваб мотала Ленка од ветерич тихи под жална туга лежала: »Зашто ми, зашто останала кошула недоткајена? Кошула била дарна...«	Lenka Odkogda Lenka ostavila košula tenka lenena nedotkajena na tkalo i na drevaki išla tabak da rjadi v fabrika -- lice jej se izmenilo; brovi padnuli navdol i usti zavili koravo. Ne urodila se Lenka za te pusti tabaki! Tabaki - žolti otrovi, za persi - venci rozovi. Pervi god pominal grudka v serdce jej ležnala; drugi god pominal hvoroba je v persi razorila. Treti god zemja na Lenka sila pokrila. I na noč kogda luna grob jej s jedvab motala Lenka od veterič tihi pod žalna tuga ležala: »Zašto mi, zašto ostanala košula nedotkajena? Košula bila darna...«	Ленка Откако Ленка остави кошула тенка ленена недовезена на разбој и на наломи отиде тутун да реди в монопол –– лицето и се измени веѓи паднаја надолу и усти свија кораво. Не беше Ленка родена за тија пусти тутуни! Тутуни – жолти отрови за гради – китки розови. Прва година помина грутка в срцето и легна, втора година намина болест ја в гради искина. Трета година земјата на Ленка покри снагата. И ноќе кога месечко гроб ѝ со свила виеше. Ветерчок тихо над неа жална и тага рееше: „Зошто ми, зошто остана кошула недоткаена? Кошула беше даровна...“

Надворешни врски

• Официјално мрежно место на меѓусловенскиот јазик (англиски)
• Информативен портал на меѓусловенски
• Учебник Архивирано на 28 јануари 2014 г.
• Речници
• Slovjani.info – Академично списание на меѓусловенски
• Марко Прелевиќ, Словијански да свако разуме. Вечерње новости, 18 февруари 2010 (српски)
• Вештачки словенски јазици
• Medžuslovjansky Vikisbornik
• Група на Фејсбук
• Свете мисли, збирка на духовни цитати на меѓусловенски Архивирано на 5 февруари 2020 г.