Никола Минчев

Од Википедија — слободната енциклопедија
Прејди на: содржини, барај
Роден 2 ноември 1915
Кавадарци, Македонија
Починал 1997
Скопје, Република Македонија
Занимање учител, политичар

Никола Минчев (2 ноември 1915 - 6 април 1997), македонски комунист, политичар и учесник во НОВ.

Основното образование го добил во Кавадарци, а Учителска школа завршил во Скопје пред Втората светска војна. Учителствува во неколку села во Македонија, во времето на Кралство Југославија. Пред самата Втора светска војна, од 1940 година, бил учител во скопското село Љубанци.

Во НОВ се вклучува во 1941 година и станува член на КПЈ во 1943 година. Во текот на војната бил член на Месниот комитет на КПЈ за Кавадарци, командант на партизанскиот одредДобри Даскалов“ и командант на Третата оперативна зона на НОВ и ПОМ. Избран е за член на Второто заседание на АВНОЈ и на Првото заседание на АСНОМ.

По ослободувањето вршел низа раководни функции. Тој е прв министер за просвета во Владата на НР Македонија (1945-1948), а потоа е потпретседател на Владата (1948-1951) и министер за финансии (1951). Бил член во парламентите на Македонија и Југославија, министер во Сојузната влада на Југославија (1958-1962), претседател на македонската Влада (1965-1968) и на Народното собрание на Македонија (23 септември 1968 - 6 мај 1974)[1] во времето кога се создава Уставот од 1974 година во чие креирање и донесување најактивно учествувал. До 1983 година е член на Советот на Федерацијата.

Наводи[уреди | уреди извор]

  1. Биографија на Собранието на Република Македонија