Иксел Османовски
| Иксел Османовски | |||
|---|---|---|---|
| Лични податоци | |||
| Роден на | 24 февруари 1977 | ||
| Роден во | Малме, Шведска | ||
| Држава |
 Шведска | ||
| Висина | 1,74 м | ||
| Играчки податоци | |||
| Позиција | напаѓач | ||
| Повлекување | 2008 | ||
| Кариера* | |||
| Години | Клуб | Наст.† | (Гол.)† |
| 1995-1998 |
 Малме | 58 | (16) |
| 1998-2001 |
 Бари | 85 | (14) |
| 2001-2003 |
 Торино | 22 | (1) |
| 2002 |
→ Бордо | 7 | (0) |
| 2004-2007 |
Малме | 45 | (5) |
| Репрезентација ‡ | |||
| 1996-1999 |
Шведска 21 | 18 | (6) |
| 1998-2006 |
Шведска | 15 | (2) |
† Учества (Голови). | |||
Иксел Османовски (роден на 24 февруари 1977 година во Малме) — поранешен шведски фудбалер со македонско потекло, кој играл на позицијата напаѓач.
Животопис[уреди | уреди извор]
Османовски е роден во Малме, како дете на македонски мигранти од Ресен,[1] а израснал во Русенгорд. Во истото тоа гратче подоцна израснал и познатиот шведски фудбалер Златан Ибрахимовиќ, кој вели дека Османовски е фудбалерот од кој се инспирирал и дека сака да ги следи стапките на Иксел и да игра во Италија.
Кариера[уреди | уреди извор]
Клупска кариера[уреди | уреди извор]
Својата фудбалска кариера Османовски ја започнал во Малме.[2] Откако поминал 8 години во младинските категории, своето деби за првиот тим во Алсвенскан го направил во 1995 година, но тоа му бил единствениот настап во таа сезона. Во 1996 година тој одиграл 20 натпревари, постигнувајќи 5 гола, додека во 1997 година го поправил својот учинок на 10 гола во 26 настапи.[2]
Во летото 1998, Османовски потпишал за италијанскиот Бари.[2] Своето деби во Серија А го направил на 13 септември 1998, во првото коло од сезоната 1998-1999, во натпреварот Бари-Венеција 1-0 играјќи како стартер но бил заменет уште на полувремето. Својот прв гол во дресот на Бари го постигнал во ремито 2-2 на гостувањето кај Салернитана. Неговата прва година во Италија ја завршил со 31 настап и 6 гола; тој најчесто бил користен како втор напаѓач зад Фил Мaсинга, и го заработил прекарот „принц на везот“, поради неговата способност лесно да дрибла противнички играчи.[2] Неговиот најдобар натпревар во дебитантската сезона во Бари бил на 21 март 1999, кога тој постигнал два гола на Сан Сиро против шампионот за таа сезона Милан во ремито 2-2.[3]
За време на сезоната 1999-2000, Османовски постигнал 7 гола во Серија А и бил најдобар стрелец на Бари, помагајќи му на клубот од Апулија да опстане во лигата. Сепак, веќе во следната сезона Бари испаднал во Серија Б, завршувајќи на последното 18-то место; Османовски постигнал само еден гол на 30 натпревари.
По испаѓањето на Бари од Серија А, Османовски потпишал за Торино.[2] Иако тој постигнал гол уште на своето деби за биковите во ремито 2-2 на гостувањето кај Удинезе, по само 9 настапи (и еден гол) заминал на позајмица во Бордо во јануари 2002 година.[2] Сепак, искуството во Франција за него било уште полошо: забележал само 7 настапи во сите натпреварувања (без постигнат гол) и тоа главно влегувајќи од клупата на која и го поминал најголемиот дел од својот престој во Бордо.
Во сезоната 2002-2003 тој се вратил во Торино, но и овој пат тој не бил многу среќен: играл малку, само во 13 наврати без да може да постигне ниту еден гол.[2] Во август 2004 година, се вратил во Шведска повторно во екипата на Малме.[2] Својата кариера ја завршил во февруари 2008 година, откако не му бил обновен неговиот договор со клубот.[4]
Репрезентативна кариера[уреди | уреди извор]
Османовски бил член на шведската репрезентација под 21 година со која настапил на Европското првенство 1998. Тој играл како стартер во сите три натпревари на Шведска (без постигнат гол), а швеѓаните го освоиле шестото место на турнирот.
Своето деби за сениорската репрезентација Османовски го направил на 24 јануари 1998, против САД, во пријателски натпревар одигран во Орландо. Својте први и единствени два гола за шведската репрезентација ги постигнал на 27 мај 1999, против Јамајка во победата со 2-1, исто така во пријателски натпревар.[5] Во јуни 2000 година, бил повикан да учествува на Европското првенство 2000, каде одиграл два натпревари а Шведска била елиминирана уште во групната фаза.
Вкупно за шведската сениорска репрезентација одиграл 15 натпревари и постигнал два гола.[6]
Хронологија на репрезентативните настапи[уреди | уреди извор]
| Хронологија на настапи и постигнати голови за националната селекција ― Франција | ||||||||
|---|---|---|---|---|---|---|---|---|
| Дата | Град | Домашни | Резултат | Гости | Натпреварување | Голови | Инфо | Детали |
| 24-1-1998 | Орландо | САД  |
1 – 0 | Шведска |
Пријателска | - | ||
| 29-1-1998 | Кингстон | Јамајка  |
0 – 0 | Шведска |
Пријателска | - |  68' |
|
| 25-3-1998 | Виго | Шпанија  |
4 – 0 | Шведска |
Пријателска | - |  82' |
|
| 27-5-1999 | Солна | Шведска |
2 – 1 | Јамајка |
Пријателска | 2 | ||
| 18-8-1999 | Малме | Шведска |
0 – 0 |  Австрија |
Пријателска | - |  45' |
|
| 3-6-2000 | Гетеборг | Шведска |
1 – 1 | Шпанија |
Пријателска | - | 66' |
|
| 10-6-2000 | Брисел | Белгија .svg){kind=small} |
2 – 1 | Шведска |
Евро 2000 - Прва фаза | - | 70' |
|
| 19-6-2000 | Ајндховен | Италија  |
2 – 1 | Шведска |
Евро 2000 - Прва фаза | - | ||
| 7-10-2000 | Гетеборг | Шведска |
1 – 1 |  Турција |
Квал. за СП 2002 | - | 90' |
|
| 11-10-2000 | Братислава | Словачка  |
0 – 0 | Шведска |
Квал. за СП 2002 | - | 70' |
|
| 28-2-2001 | Та Кали | Малта  |
0 – 3 | Шведска |
Пријателска | - | ||
| 24-3-2001 | Гетеборг | Шведска |
1 – 0 |  Македонија |
Квал. за СП 2002 | - | ||
| 25-4-2001 | Женева | Швајцарија  |
0 – 2 | Шведска |
Пријателска | - | 77' |
|
| 10-11-2001 | Манчестер | Англија  |
1 – 1 | Шведска |
Пријателска | - | 75' |
|
| 18-1-2006 | Ријад | Саудиска Арабија  |
1 – 1 | Шведска |
Пријателска | - | 79' |
|
| Вкупно | Настапи | 15 | Голови | 2 | ||||
Наводи[уреди | уреди извор]
- ↑ Фудбалери од дијаспората кои имале право, но никогаш не настапиле за Македонија
- ↑ 2,0 2,1 2,2 2,3 2,4 2,5 2,6 2,7 „"Chi l'ha visto…in campo?". C'era una volta il "galletto" svedese Osmanovski“ (италијански). sportcampania.it. 30 јануари 2019. Посетено на 14 мај 2020.
- ↑ „ACCADDE OGGI - 21/03/1999: Milan-Bari 2-2: Osmanovski gela San Siro“ (италијански). I am Calcio. 21 март 2020. Посетено на 14 мај 2020.
- ↑ „Svezia, si ritira Yksel Osmanovski“ (италијански). TMW.com. Архивирано од изворникот на 17 јуни 2008. Посетено на 14 мај 2020.
- ↑ „Yksel Osmanovski profil“ (англиски). Transfermarkt.co.uk. Архивирано од изворникот на 30 јули 2009. Посетено на 1 јули 2009.
- ↑ „"Tjejernas samtal har fått mig att byta telefonnummer"“. Aftonbladet (шведски). 20 May 2000. Посетено на 21 November 2018.
Надворешни врски[уреди | уреди извор]
- Иксел Османовски на soccerway
- Иксел Османовски на transfermarkt
- Иксел Османовски на espn
- Иксел Османовски на whoscored
| ||||||||
| ||||||||