Барак Обама

Барак Обама 44. претседател на САД На должноста 20 јануари 2009 – 20 јануари 2017 Претходник Џорџ В. Буш Наследник Доналд Трамп Сенатор од Илиноис На должноста Стапил 4 јануари, 2005 Служи со Ричард Дарбин Претходник Питер Фицџералд Наследник нема Член на Сенатот на Illinois од округот 13ти На должноста 8 јануари, 1997 – 4 ноември, 2004 Претходник Алис Палмер Наследник Кваме Раул Лични податоци Роден(а) Барак Хусеин Обама II 4 август 1961 (1961-08-04) Хонолулу, Хаваи, САД Партија Демократска партија Сопружник Мишел Обама (в. 1992) Деца Малија Ен (р. 1998) Саша (р. 2001) Живеалиште Кенвуд, Чикаго, САД Установа Оксидентален колеџ Коклумбиски колеџ Харвардски правен факултет Професија Правобранител Политичар Вероисповед Протестант (Обединета Христова црква) Потпис Портал Барак Обама - Сенатор за Илиноис

Барак Хусеин Обама II (англиски: Barack Hussein Obama II) — 44. претседател на Соединетите Американски Држави.

Обама е првиот афроамерикански претседател на САД и првиот афроамериканец воопшто номиниран од големата политичка елита за улогата на претседател.

Почетокот

Барак Обама е роден вo Хонолулу, Хаваи на 4 август 1961 година. Татко му, Барак Обама-постариот, е од Кенија, а мајка му е бела Американка од Вичита, Канзас. Тие се разделуваат кога Барак има две години и подоцна се разведуваат. Таткото на Обама се враќа во Кенија и успева да го види сина си пред да загине во сообраќајна несреќа во 1982. По разводот мајка му се мажи за Лоло Суторо и целото семејство се сели во неговата родна земја, Индонезија. Таму Барак посетувал училиште во Џакарта до својата десетта година. Потоа Барак се сели во Хонолулу, каде живее со родителите на мајка му. Неговата мајка умира во 1995 година како последица од рак на јајчниците. По гимназијата Обама се сели во Лос Анџелес, каде учи две години во универзитет. Подоцна се преместува во Њујорк, каде изучува политикологија и специјализира меѓународни односи.

Четири години подоцна Обама се преселува во Чикаго, каде започнува да раководи проект поврзан со црквите.

Семејство

Барак Обама и Мишел Обама

Барак Обама се запознава со Мишел Робинсон во 1989 во универзитетот каде тој работел и му била соработник. Се венчаваат во 1992 година. Првата ќерка им се раѓа во 1998, а втората во 2001 година.

Кандидат-претседателска кампања

На 10 февруари 2007 во Спрингфилд Илиноис сенаторот Барак Обама објавува, дека ќе се пријави за номинацијата на Демократската партија на следните претседателски избори во САД во 2008 г. Откако ја победува Хилари Клинтон, Обама го објавува за свој вицепретседателски кандидат сенаторот ветеран од Делавер Џо Бајден и ќе се натпреварува со неговиот противник на 4 ноември 2008 г. кандидатот на Републиканската партија Џон МекКејн.

Нобелова награда

На 9 октомври 2009 година , норвешкиот Нобелов комитет објавил дека на Обама му е доделена Нобеловата награда за мир за 2009 година „за неговите вонредни напори за јакнење на меѓународната дипломатија и соработка меѓу народите". Обама ја прими наградата во Осло, на 10 декември 2009, со „длабока благодарност и голема понизност". Наградата предизвика мешавина од пофалби и критики од светските лидери и медиумите. Обама е четвртиот претседател на САД кому му е доделена Нобеловата награда за мир, а третиот добитник за време на својот мандат.

Дела

• „Смелоста на надежта“

Надворешни врски

• Официјалено мреж. место на Сенаторот Барак Обама
• Официалео мреж. место на кандидатурата на Барак Обама за претседател
• Барак Обама — Проект „Отворен директориум“ (англиски)