Хилари Клинтон

Од Википедија — слободната енциклопедија
Прејди на: содржини, барај
Хилари Родхем Клинтон
Hillary Rodham Clinton
Хилари Клинтон

Државен секретар на САД
Мандат
21 јануари, 2009 – 1 февруари, 2013
Претходник Кондолиза Рајс
Следбеник Џон Кери

Роден 26 октомври 1947
Чикаго, Илиноис
Партија Демократска
Сопружник Бил Клинтон
Религија Методист
Потпис HRCsignature2.svg

Хилари Дијана Родхем Клинтон (англ. Hillary Diane Rodham Clinton) е 67. по ред државен секретар на САД, како дел од тимот на претседателот Барак Обама. Во периодот од 1993 - 2001. Хилари Клинтон била прва дама на САД, како сопруга на тогашниот претседател Бил Клинтон.

Биографија[уреди | уреди извор]

За време на претседателската кампања во 1992 година кога Клинтон прв пат се кандидираше за претседател на САД таа стана влијателен симбол на промената на улогите и статусот на жената во американското општество. На правниот факултет на универзитетот во Јеил го среќава идниот сопруг Бил Клинтон и својата долгогодишна менторка Маријан Врајт Еделман, која што го осниваше детскиот одбрамбен фонд - организација која лобира во корист на децата. Во таа организација Хилари работи како адвокат откако го завршува правото во 1973 година а подоцна председава и во управниот одбор на таа организација. Во 1974 година откако учестува во истрагата за отповикување на претседателот Ричард Никсон (аферата позната како Вотергејт) се сели во сојузната држава Арканзас. После една година се мажи за Бил Клинтон. 1977 се вработува во адвокатската канцеларија Роуз каде што работи до 1992 година, специјализирајќи се за заштита на авторските права и интелектуална сопственост. Во американскиот национален правен лист на двапати е избрана меѓу 100 те највлијателни американски адвокати. После првата престедателска трка во која што до израз доаѓа и нејзината професионална кариера, Хилари Клинтон претрпува критики од оние на кои што драга им беше традиционалната улога на првата дама на САД. После превземањето на должноста Клинтон ја именува за претседател на Посебниот совет на реформа на здравството што беше и неговиот најзначаен потег во внатрешната политика во првата година од неговото владеење. Тој совет разработи опсежен план за реформа во здравството со која секој граѓанин на Соединетите Американски Држави би имал здравствено осигурување и кој што е ставен во процедура во Конгресот во септември 1993 година. Во септември 1994 година лидерот на мнозинството во сенатот Џорџ Мичел објави дека конгресот нема да го подржи предлогот на законот за здравствените реформи, така што таа реформа пропаѓа. Тоа воедно беше и најголемиот пораз на Клинтонови. После пропаѓањето на здравствените реформи Хилари се повлекува од кругот на јавните соработнци на претседателот Клинтон. Во 1993 година, Хилари и Бил Клинтон беа под криминална истрага во врска со аферата Вотергејт во која се истражуваше нивната евентуална вмешаност во парична манипулација во времето кога Клинтон беше гувернер на Арканзас. Во јануари 1996 година Клинтонови беа повикани да сведочат пред судот во врска со таа афера. Додека беше прва дама на Америка посебно се залагше за програмот на здравственото осигурување кај децата со кое што требаше да се осигура здравствено осигурување на милиони работнички фамилии. Се залагаше за зголемување на фондовите за истражување на ракот на дојката, простатата и дебелото црево, како и остеропоза и дијабетис. Се бореше за зголемување на државните фондови за вакцинација на деца како и во борбата против астма и епилепсија. На светската сцена се појавува како борец за демократија, верска толеранција и човекови права. Со Бил Клинтон активно учествува во политичките процеси во Северна Ирска, На Блискиот Исток и на подрачјето на бивша Југославија. Играше активна улога во залагањето за бомбардирање на Србија.