Џибути

Најдете повеќе за Џибути на сестринските проекти на Википедија:
	Вики речник
	Вики книги
	Вики цитати
	Вики извор
	Заедничка ризница
	Вики вести
	Вики универзитет

Република Џибути
جمهورية جيبوتي
*Jumhūriyyat Jībūtī*
*Jamhuuriyadda Jabuuti*
*République de Djibouti*
Република Џибути جمهورية جيبوتي; Jumhūriyyat Jībūtī; Jamhuuriyadda Jabuuti; République de Djibouti
Знаме
	Гесло: "Unité, Égalité, Paix" (превод); „Единство, еднаквост, мир“
	Химна: Djibouti;
Главен град	Џибути; 11°36′N 43°10′E / 11.6°N 43.167°E
Најголем град	главниот град
Службен јазик	арапски и француски
Признаени регионални јазици	афарски, сомалиски
Демоним	Џибутанец
Уредување	полупретседателски систем
Независност	од Франција
Површина
Население
БДП (ПКМ)	проценка за 2008
БДП (номинално)	проценка за 2008
ИЧР (2007)	0.516 (среден) (149-та)
Валута	франк (DJF)
Часовен појас	EAT (UTC+3)
Се вози на	десно
НИД	.dj
Повик. бр.	253

Џибути (арапски: جيبوتي Jībūtī, сомалиски: Jabuuti) или официјално Република Џибути е држава во Источна Африка. Државата се граничи со Еритреја на север, Етиопија на запад и југ и со Сомалија на југозапад. На исток државата излегува на Црвеното Море, поточно на Аденскиот Залив и на значајниот проток Баб ел Мандеб. Вкупната површина на Џибути изнесува 23.200 километри квадратни со вкупно население од 864.000 жители. Главен град на државата е истоимениот град Џибути.

[уреди] Етимологија

Главна статија: „Име на Џибути“.

Името на Џибути е добиено по најдолната точка на заливот Таџура. Денес се претпоставува дека потекнува од афарскиот збор gabouti и тоа значи еден вид бришалка за пред врата изработена од палмово дрво. Покрај оваа, постои и уште една непотврдена теза која вели дека Џибути значи „земја на Техути“ или „земја на Тот“, по староегипетскиот бог. Колонијалните имиња на Џибути биле Француска територија на Афарите и Исаите (двете најголеми етнички групи) и Француски Сомалиленд (види Сомалија).

[уреди] Историја

Главна статија: „Историја на Џибути“.

Историјата на Џибути главно е пренесена усно, преку фолклорот, поезијата и песните на номадскиот народ. Историските усни преданија посочуваат илјадници години историја, уште од времето на подемот на стариот Египет, Индија или Кина. Поради блискоста со Арапскиот Полуостров, Афарите и Сомалијците се меѓу првите етнички африкански групи кои го прифатиле исламот, а регионот меѓу првите африкански региони со исламска религија. Француските интереси за овој регион се појавиле во 19 век. Џибути била француска колонија од 1896 до 27 јуни 1977 кога станала независна држава.

[уреди] Географија и клима

Главна статија: „Географија на Џибути“.

Областа Лак Асал.

Џибути се наоѓа во Источна Африка, поточно на Рогот на Африка. Државата граничи со Сомалија на југозапад, Етиопија на запад и југ и со Еритреја на север. На исток државата излегува на Црвеното Море, односно на протокот Баб ел Мандеб и Аденскиот Залив. Преку протокот се наоѓа Јемен. Вкупната површина на Џибути изнесува 23.200 километри квадратни каде живеат околу 864.000 жители. Главен и најголем град е истоимениот град Џибути. Поголем дел од територијата на Џибути е полупустинска.

[уреди] Политички систем

Главна статија: „Политики на Џибути“.

Џибути е полупретседателска република, каде извршната власт е во рацете на владата, а законодавната е во рацете на владата и собранието. Моментален претседател на Џибути е Исмаил Омар Гуелех. Политичкиот живот е доминиран од една партија, бидејќи опозицијата ги бојкотираше изборите во 2005 и 2008 година и уставот на Џибути, кој е усвоен во 1992 година.

Владата ја контролира сомалиската групата Иса. Скоро државата излегла од еднодекадната граѓанска војна помеѓу Афарите и Иса.

[уреди] Административна поделба

Главна статија: „Административна поделба на Џибути“.

Џибути, административно, е поделен на пет региони и еден град. Секој регион е поделен на окрузи. Регионите на Џибути се:

[уреди] Економија

Главна статија: „Економија на Џибути“.

Економијата на Џибути се базира воглавно на овозможување на услуги поради стратешката географска положба на државата и статусот на слободна трговска зона во североисточна Африка. Две третини од населението живее во главниот град, додека остатокот е номадско население. Голем дел од храната во Џибути е увезена, додека се одгледува само одредени видови овошје. Во април 2005 година, се проценило дека во Џибути има 30.000 жители кои имаат недостаток на храна. Овој недостаток е како последица на сувата клима во Џибути. Главен економски проблем е невработеноста која изнесува 40% до 50% од работоспособното население.

[уреди] Население, јазик и религија

Главна статија: „Демографија на Џибути“.

Религија^[3]
религија			процент
Ислам			94%
Христијанство			6%

Вкупниот број на население на Џибути брои околу 864.000 жители. Две главни етнички групи во Џибути се Сомалијците и Афарите. Покрај овие староседелски народи, во Џибути живеат и мали групи на Французи, Италијанци, Арапи и Етиопјани. Поради тензии помеѓу Афарите и кланот сомалиски Иса во 1990-те години во Џибути имало војна. Сомалијците се воглавно припадници на групата Иса. Иако официјални јазици се францускиот и арапскиот јазик, најмногу се зборувани афарски јазик и сомалиски јазик.

Најбројна религија во Џибути е исламот, кој е застапен со 94%. Како втора религија се јавува христијанството.^[4]

[уреди] Култура

Главна статија: „Култура во Џибути“.

Културата на Џибути е под силно влијание на сушниот и топол регион и културната средина. Облеката зависи од временските услови, така може луѓето да облекуваат стандардна облека или традиционална облека наречена макави. Културното наследство е денес зачувано по пат на оралната традиција. Исто така, покрај локалната традиција, можат да се забележат француски, исламски или отомански културни елементи.