Комори

Union des Comores Унија на Комори الاتّحاد القمريّ al-Ittiḥād al-Qumuriyy
Знаме
Гесло: "Unité - Solidarité - Développement"  (француски) "Единство- солидарност- развој"
Химна: Udzima wa ya Masiwa  (коморски) "Унијата на Големите Острови"
Главен град		Морони 11°41′ ЈГШ 43°16′ ИГД -11.683333, 43.266667
Најголем град		главниот град
Службен јазик		француски (де јуре), арапски (де јуре), свахили (коморски)
Демоним		Коморец
Уредување		Федерална република
-	Претседател	Ахмед Абдула Мохамед Самби
Независност		од Франција
-	Датум	6 јули 1975
Површина
-	Вкупна	2.235 км2 (178-ма)
-	Вода (%)	незначително
Население
-	проценка за 2005	798,000 (159-та)
-	Густина	275 жит/км2 (25-та)
БДП (ПКМ)		проценка за 2008
-	Вкупен	$753 милиони
-	По жител	$1,155
БДП (номинален)		проценка за 2008
-	Вкупно	$532 милиони
-	По жител	$816
ИЧР (2007)		▲ 0.561 (среден) (135-та)
Валута		Коморски франк (KMF)
Часовен појас		EAT (UTC+3)
-	(ЛСВ)	н/п (UTC+3)
Се вози на		десно
НИД		.km
Повик. бр.		269

Коморските Острови или Комори се островска земја во Индискиот Океан. Главен град е Морони.

Историја

Се верува дека Коморските Острови за прв пат биле посетени од феникиски морнари. Најраните жители на островите, според некои извори биле морнарите од Меланезија, кои се населиле овде кон 5 век. Племето Банту очигледно на овие простори се населило кон 14 век главно од бреговите на денешната држава Мозамбик. Во текот на 15 век и 16 век овде се населиле арапски имигранти, кои започнале да ја шират својата религија градејќи џамии. Португалските истражувачи ги посетиле островите во 1505 година. Коморските Острови во 1886 година биле колонизирани од страна на Французите. Во 1958 година островите добиле статут на француска територија. Во 1968 година островите добиле можност за самостојно внатрешно управување. На 6 јули 1975 година островите биле објавени за независна држава, а од 1978 година како федерална исламска република. Во текот на 1989 година бил извршен државен удар и бил убиен претседателот Алмед Абдалах. Од прогласувањето на независноста на земјата биле извршени вкупно 19 државни преврати. Политичката нестабилност и дестабилизацијата на земјата се решила во 2001 година кога бил избран новиот устав според кој секој остров има своја широка автономија и свое право да избира свој претседател. Земјата е член од ООН од 1975 година.

Административна поделба

Карта на автономните острови на Коморите

Според уставот, островите Гранд Комор, Анжуан и Мохели имаат право на автономна самоуправа и свои претседатели, со исклучок на државните работи како надворешните односи, одбраната, државјанствата, фискалните и банкарски работи и сл.

Знаме	Регион	Локален назив	Админ. центар	Површина (км²)	Население (2006)
	Гранд Комор	Нгазиџа	Морони	1.148	316.600
	Анжуан	Ндзуани	Муцамуду	424	277.500
	Мохели	Мвали	Фомбони	290	38.000

Население, јазик и религија

Според податоци од 2006 година, населението на Коморските Острови изнесува 690 948 луѓе. Службени јазици во земјата се арапскиот и францускиот, но најупотребуван јазик е коморскиот јазик. Околу 98 % од населението на Коморите се муслимани, а останатите 2% се христијани, претежно римокатолици. Белите африканци се околу 1 000 на број, или околу 0,15 % од населението.