Западнобачки Округ

Западнобачки Округ Zapadnobački okrug Западнобачки округ
Округ во Србија
Градови и општини
Местоположба на Западнобачкиот Округ во Србија
Држава	Србија
Автономва покраина	Војводина
Управно средиште	Сомбор
Управа
• Градоначалник на округот	Латинка Васиљевиќ
Површина
• Вкупно	2,420 км2 (930 ми2)
Население (попис во 2011)
• Вкупно	188,087
• Густина	78/км2 (200/ми2)
ISO 3166	RS-05
Општини	3 и 1 град
Населби	37
- Градови	5
- Села	32
Мреж. место	zapadnobacki.okrug.gov.rs

Западнобачки Округ (српски: Западнобачки округ, унгарски: Nyugat-bácskai körzet) — еден од седумте управни окрузи на автономната покраина Војводина, Србија. Се наоѓа во географскиот регион Бачка. Има население од 188.087 жители. Управно седиште на округот е градот Сомбор.

Име

На српски, округот е познат како Западнобачки округ, на хрватски како Zapadnobački okrug, на буњевачки како Zapadnobački okrug, на унгарски како Nyugat-bácskai körzet, на словачки како Západnobáčsky okres, на русински Заходнобачки окрух и романски како Districtul Bacica de Vest.

Административна историја

Во 9 век со областа владеел бугарско-словенскиот војвода Салан. Од 11 до 16 век, за време на владеењето на средновековното Кралство Унгарија, областа била поделена помеѓу Бодрошката, Бачката и Чонградската Жупанија. Во 1526-1527 година, областа била управувана од независниот српски владетел, царот Јован Ненад, додека за време на османлиската управа (16-17 век), била дел од Сегединскиот Санџак.

За време на владеењето на Хабсбурговците (18 век), областа била поделена помеѓу Бодрошката Жупанија, Бачката Жупанија и Воена Краина. Двете жупании биле споени во единствена Бачко-бодрошка Жупанија во 18 век. По укинувањето на делот Тиса - Муреш на Воена Краина во 1751 година, дел од таа територија исто така била вклучена во Бачко-бодрошката Жупанија. Во 1850-тите, областа претежно била дел од округот Сомбор, со некои делови во округот Нови Сад. По 1860 година, областа повторно била вклучена во Бачко-бодрошката Жупанија.

За време на кралската српско-хрватско-словенечка (југословенска) управа (1918-1941), областа била дел од округот Нови Сад (1918-1922), Бачката Област (1922-1929) и Дунавска Бановина (1929-1941).

За време на унгарско-германската окупација(1941-1944), областа била вклучена во Бачко-бодрошката Жупанија. Од 1944 година, областа била дел од автономната југословенска покраина Војводина (која била дел од новата социјалистичка република Србија од 1945 година). Денешните области на Србија (вклучувајќи го Западнобачкиот Округ) биле дефинирани со уредба на Владата на Србија од 29 јануари 1992 година.

Општини

Карта на Западнобачкиот Округ

Етничка карта (попис 2002)

Округот ги опфаќа општините:

• Сомбор
• Апатин
• Оџаци
• Кула

Население

Население во минатото

Година	Нас.	±%
1948	200.465	—
1953	207.941	+3.7%
1961	219.331	+5.5%
1971	220.671	+0.6%
1981	220.876	+0.1%
1991	215.916	−2.2%
2002	214.011	−0.9%
2011	188.087	−12.1%

Според последниот официјален попис направен во 2011 година, Западнобачкиот Округ имал 188.087 жители.

Етнички групи

Население на Западнобачкиот Округ по етничка група 2002–2011 година.

Етничко група	попис 2002 година		попис 2011 година
	Број	%	Број	%
Срби	134.644	62,92%	122.848	65,31%
Унгарци	21.825	10,2%	17.576	9,34%
Хрвати	12.960	6,06%	10.879	5,78%
Црногорци	9.182	4,29%	5.070	2,70%
Русини	5.535	2,59%	4.718	2,51%
Роми	1.941	0,91%	3.018	1,60%
Буњевци	2.806	1,31%	2.162	1,15%
Украинци	1.508	0,71%	1.344	0,71%
Романци	1.620	0,76%	1.340	0,71%
Југословени	6.870	3,21%	1.274	0,68%
Словаци	1.264	0,59%	1.096	0,58%
Вкупно	214.011		188.087

Култура

Сомбор е град со богата културна традиција: Римокатоличката црква и францисканскиот манастир од 18 век, Куќата на Периш од почетокот на деветнаесеттиот век, иконостасот на големата и малата православна црква во Стапар се заштитени споменици регистрирани како културно наследство, кои сведочат за долгата историја на овој град.

Поврзано

• Административна поделба на Србија
• Окрузи во Србија

Надворешни врски

• zapadnobacki.okrug.gov.rs