УЕФА Лига на нации

Од Википедија — слободната енциклопедија
Прејди на прегледникот Прејди на пребарувањето
УЕФА Лига на нации
UEFA Nations League.png
РегионЕвропа (УЕФА)
Основана2018
Број на репрезентации55
Актуелен шампионПортугалија Португалија (1. титула)
Најмногу титулиПортугалија Португалија (1. титула)
ВебсајтМатична страница
УЕФА Лига на нации 2018-2019

УЕФА Лига на нации е меѓународно фудбалско натпреварување на европските национални сениорски репрезентации кои се членки на УЕФА.

Првиот турнир започнал во септември 2018, по Светското првенство 2018, а победникот ќе биде одлучен во јуни 2019. Натпреварувањето треба да ги замени многубројните пријателски натпревари кои се играле според календарот на ФИФА.[1][2]

Усвојување[уреди | уреди извор]

Во октомври 2013, Ингве Хален, претседателот на Норвешкиот фудбалски сојуз, потврдил дека се разговара околу основање на трето меѓународно натпреварување за репрезентациите членки на УЕФА, но напоменал дека целиот проект се уште се замислува.[3]

Концептот на Лигата на нации е да се поделат сите 55 членки на УЕФА во низа на групи според рангирањето кое е формирано од нивните неодамнешни резултати, каде националните селекции можат да се промовираат во повисока или пониска лига врз основа на резултатите во самата лига.[4] Предложеното натпреварување би требало да се одржува на датите предвидени за пријателски натпревари според календарот на ФИФА и така нема да се преклопува со Светските или Европските првенства.[5]

Во март 2014 Џани Инфантино, генералниот секретар на УЕФА, изјавил дека една од предностите на предложеното натпреварување ќе биде помошта на помалку истакнатите федерации во средувањето на игрите на сопствените репрезентации.[5] Претседателот на Англиската фудбалска федерација Грег Дајк рекол дека предложеното натпреварување е "многу привлечно" затоа што се очекува дека Англија ќе може да игра против најдобрите европски репрезентации.[5] Стив Мартенс, генералниот секретар на Белгиската фудбалска федерација, рекол дека ниско позиционираните нации ќе имаат голема финансиска корист од натпреварувањето затоа што телевизискиот договор со УЕФА ќе биде централизиран.[6]

УЕФА Лигата на нации едногласно била усвоена од сите 54 федерации членки на УЕФА (Косово тогаш се уште не бил член) на 38-от редовен конгрес на УЕФА во Астана на 27 март 2014[1]

Формат на натпреварување[уреди | уреди извор]

Според одобрениот формат (пред Косово да стане член на УЕФА),[1][7][8] 55-те репрезентации членки на УЕФА (вклучувајќи го и Косово) се поделени во четири групи (наречени "лиги"):[9][10] 12 репрезентации во лигата А, 12 во лигата Б, 15 во лигата Ц и 16 репрезентации во лигата Д. Секоја лига има по четири групи (со по три или четири репрезентации во групата) во кои репрезентациите играат меѓусебно дома и во гости.

Четирите репрезентации кои ќе бидат победници во своите групи во лигата A ќе играат во завршницата на Лигата на нациите, каде со две полуфиналиња и едно финале, ќе биде одлучено кој ќе стане победник на УЕФА Лигата на нации.

Репрезентациите исто така се натпреваруваат за промоција во повисока лига или испаѓање во пониска лига. Секој победник во групата (во секоја лига има по четири групи) автоматски стекнува право да игра во повисока лига во следната сезона на натпреварувањето. Најслабите репрезентации во групите следната сезона ќе играат во пониска лига.

Поврзаност со Европско првенство[уреди | уреди извор]

УЕФА Лигата на нации ќе биде поврзана со квалификациите за Европските првенства, пружајќи им на репрезентациите уште една можност да се квалификуваат за натпреварувањето.

Во завршницата на Лигата на нациите во која учествуваат репрезентациите од лигата А, ќе има и четири плејофа (анг. play-off) со сличен формат. Победниците од групите на сите лиги ќе играат во полуфиналните плејофи. Ако победникот на групата обезбедил учество на Европското првенство преку редовните квалификации, тогаш второпласираната репрезентација во групата ќе игра во полуфиналето. Ако помалку од четири репрезентации во една лига не обезбедиле учество на првенството тогаш тие слободни места им се доделуваат на репрезентациите од пониските лиги. Победниците во полуфиналните натпревари ќе играат финале на плејофот, а четирите победници од финалните натпревари во плејофот во секоја од лигите обезбедуваат учество на Европското првенство заедно со останатите 20 репрезентации.[9][10][11]

Поврзаност со Светско првенство[уреди | уреди извор]

УЕФА Лигата на нациите би можела да биде поврзана и со квалификациите за Светското првенство, пружајќи им на репрезентациите уште една шанса да се квалификуваат за натпреварувањето. Во плејофот најверојатно би учествувале репрезентациите од првите две лиги.[12]

Критики[уреди | уреди извор]

Форматот на натпреварување е критикуван заради наводното допуштање на послабите репрезентации да се квалификуваат на големите натпреварувања преку УЕФА Лигата на нации наместо преку редовните квалификации.[13]

Сезона[уреди | уреди извор]

Секоја сезона Лигата на нациите ќе се игра од септември до ноември во парните години (натпреварување по групи) додека во јуни во непарните години ќе се игра завршницата на Лигата на нацииите во која ќе учествуваат победниците од групата A, што значи дека на секоја втора година ќе биде прогласуван победник на Лигата на нации.[9][10][11]

Резултати од завршницата на Лигата на нациите[уреди | уреди извор]

Сезона Домаќин Финале Натпревар за 3. место
Победник Резултат Второпласиран Третопласиран Резултат Четвртопласиран
2018-2019 Португалија Португалија
Португалија
1–0
Холандија

Англија
0–0 (прод.)
(6–5 п)

Швајцарија

Учинок на репрезентациите по сезони[уреди | уреди извор]

  • Rise Промоција
  • Same position Без промена
  • Fall Испаѓање
Репрезентација 2018–19
ЛГ ВР П/И
 Албанија Ц
 Андора Д
 Ерменија Д
 Австрија Б
 Азербејџан Д
 Белорусија Д
 Белгија А
 Босна и Херцеговина Б
 Бугарија Ц
 Хрватска А
 Кипар Ц
 Чешка Б
 Данска Б
 Англија А
 Естонија Ц
 Фарски Острови Д
 Финска Ц
 Франција А
 Грузија Д
 Германија А
 Гибралтар Д
 Грција Ц
 Унгарија Ц
 Исланд А
 Израел Ц
 Италија А
 Казахстан Д
 Косово Д
 Латвија Д
 Лихтенштајн Д
 Литванија Ц
 Луксембург Д
 Македонија Д
 Малта Д
 Молдавија Д
 Црна Гора Ц
 Холандија А
 Северна Ирска Б
 Норвешка Ц
 Полска А
 Португалија А
 Ирска Б
 Романија Ц
 Русија Б
 Сан Марино Д
 Шкотска Ц
 Србија Ц
 Словачка Б
 Словенија Ц
 Шпанија А
 Шведска Б
 Швајцарија А
 Турција Б
 Украина Б
 Велс Б

Наводи[уреди | уреди извор]

  1. 1,0 1,1 1,2 „UEFA Nations League receives associations' green light“ (engleski). UEFA.org. 27 март 2014. конс. 5 август 2018. 
  2. Ben Rumsby. „England ready to play in new Nations League as revolutionary UEFA plan earns unanimous backing“, „The Telegraph“, 25 март 2014 (посет. 5 август 2018 г). (на англиски)
  3. Hojem Kvam, Lars (9 октомври 2013). „Hva om Ronaldo, Özil, Balotelli og Pique møtes til ligaspill – med sine landslag?“ (норвешки). dagbladet.no. конс. 5 август 2018. 
  4. Gibson, Owen (10 ноември 2013). „Uefa explores internationals shake-up with Nations League plan“ (англиски). TheGuardian.com. конс. 5 август 2018. 
  5. 5,0 5,1 5,2 „Nations League: New European tournament to be confirmed“ (engleski). BBC Sport. 26 март 2014. конс. 5 август 2018.. 
  6. „Nations League moet nieuwe mijlpaal in Europese voetbal worden“ (холандски). zita.be. 26 март 2014. конс. 5 август 2018. 
  7. „UEFA Nations League: all you need to know“ (англиски). UEFA.com. 27 март 2014. конс. 5 август 2018. 
  8. „UEFA Nations League/UEFA EURO 2020 qualifying“ (PDF) (англиски). UEFA.com. конс. 5 август 2018.. 
  9. 9,0 9,1 9,2 „UEFA Nations League format and schedule approved“ (англиски). UEFA.com. 4 декември 2014. конс. 5 август 2018. 
  10. 10,0 10,1 10,2 „UEFA Nations League format and schedule confirmed“ (англиски). UEFA.org. 4 декември 2014. конс. 5 август 2018. 
  11. 11,0 11,1 „UEFA Nations League and European Qualifiers competition format, 2018–2020“ (PDF) (англиски). UEFA.com. конс. 5 август 2018. 
  12. UEFA's new 'League of Nations' - Do you understand it?“, CNN, 27 март 2014 (посет. 5 август 2018. г). (на англиски)
  13. Graham Dunbar. „As World Cup hope fades, Europeans turn to Nations League“, 24 март 2017 (посет. 5 август 2018 г). (на англиски)

Надворешни врски[уреди | уреди извор]