Рудиште (Пехчево)

Рудиште (познато и како Раковец) — доцноантичка и средновековна рударска населба. На околу 3 километри источно од градот Пехчево, во подножјето на Буковиќ, на една пространа ледина на потокот Раковец се зачувани остатоци од темели на објекти, многу градежен материјал, како и фрагменти од керамички садови и питоси. На долниот крај на наоѓалиштето има и темели од старохристијанска црква. Во овој простор се откриени десетина рударски јами и доста згура од топено железо. Било најдено депо на железни рударски алатки и еден епиграфски споменик кој исчезнал во времето на Втората светска војна.

Поврзано

• Буковиќ — населба од доцноантичко време;
• Во Реката — рудник од доцноантичко време;
• Градиште (или Манастириште) — градиште од доцноантичко време;
• Манастир — старохристијанска црква; и
• Селиште — населба од доцноантичко време.