Мало Салаковско Езеро

Од Википедија — слободната енциклопедија
Прејди на прегледникот Прејди на пребарувањето
Мало Салаковско Езеро
Мало Салаковско Езеро 02.jpg
Координати: 41°16′21″ N; 21°33′05″ E / 41.272426° N; 21.551264° E / 41.272426; 21.551264Координати: 41°16′21″ N; 21°33′05″ E / 41.272426° N; 21.551264° E / 41.272426; 21.551264
Површина: м2
Должина: 42,5 м
Ширина: 30,5 м

Обем:

м
Длабочина: ~2.5 м
Надморска висина: 2.170 м
Планина: Јакупица

Малото Салаковско Езеро претставува ледничко езеро на планината Јакупица во Македонија. Езерото е широко 30,5 метри, а долго 42,5 метри[1], а неговата максимална длабочина изнесува 2,5 метри. Со вода се храни од извор кој се наоѓа на неговата северозападна страна, како и од врнежи и преку топење на снегот. Водата ја губи со испарување и од истека, низ која водата истекува во мало поточе, кое пак дотекува до Големото Салаковско Езеро. Според најдеталните истражувања, Малото Салаковско Езеро се наоѓа на надморска височина од 2155 метри и зафаќа површина од 850 м2 при што има обем од 117 метри[2]. Најголемата длабочина на Малото Салаковско Езеро изнесува 2,50 метри, додека годишното колебање на нивото на водостојот изнесува 0,35 метри[2], што значи дека тоа има речиси постојано ниво без поголемо повлекување на водата во текот на целата година. Должинските параметери на Малото Салаковско Езеро изнесуваат во правците: југ-север 35 м, запад-исток 31 м, југоисток-северозапад 40,40 м, југозапад-североисток 31 м[2]. Езерото има провидност низ целиот профил[2], односно тоа има исклучително бистра вода. Температурата на водата измерена во 11 часот на 12.09.1979 изнесувала 10,9 °С[2]. Фактот што Малото Салаковско Езеро има постудена температура на водата се должи на тоа што тоа е подлабоко од Големото Салаковско Езеро, како и од блискиот извор веднаш до брегот. Езерото вода добива од врнежи, преку топење на снегот и од изворот кој се наоѓа на неговата северозападна страна, а ја губи преку испарување и истеката која се наоѓа на јужниот дел од езерото[2] и тече кон Големото Салаковско Езеро.

Галерија[уреди | уреди извор]

Наводи[уреди | уреди извор]

  1. Stefanka Hadži Pecova, Mihailo Zikov, Pene Penev, Dušan Manakoviḱ, Rade Drenkovski, Ilija Drozdovski, Vera Korobar, Biserka Filipova, Stefan Bužarovski, Malinka Ristevska Jordanova (1999). Planinskiot masiv Jakupica: istražuvanje i vrednuvanje na prirodnoto bogatstvo. Studentski zbor.CS1-одржување: повеќе имиња: список на автори (link)
  2. 2,0 2,1 2,2 2,3 2,4 2,5 Стојмилов, Александар (1998). „Глацијални езера на Јакупица (Мокра Планина)“. Географски разгледи. 32-33: 11.

Поврзано[уреди | уреди извор]