Економијата е општествена наука што се занимава со изучување на употребата на органичените ресурси во задоволувањето на потребите на луѓето. Постарите дефиниции ја опишувале економијата како наука која се занимава со производството, распределбата, размената и потрошувачката на богатството.[1] Економијата се смета за позитивна кога се обидува да ги објасни последиците на различните избори во даден сет претпоставки и набљудувања, и нормативна кога препорачува одредена постапка што треба да се преземе.]
Економската наука се дели на две основни гранки: микроекономија, што се фокусира на индивидуалните субјекти, како што се домаќинствата и претпријатијата, и макроекономија, што ја проучува економијата на една држава или регион во целост, земајќи ги предвид агрегатните големини поврзани со понудата и побарувачката за пари, капитал и стоки.
