Инвестиции

Просечно пресметување на цената на доларот: Ако едно лице инвестира 500 долари месечно на берзата 40 години со годишна стапка на поврат од 10%, тој би имал конечен биланс од над 2,5 милиони долари.

Инвестиција претставува вложување производни фактори во очекување на некоја корист во иднина - на пример, инвестиција во трајно добро, во недвижен имот од услужната индустрија, во фабрики, во развој на производи и во истражување и развој.

Пресметка на профитабилноста на инвестицијата

Пресметката на исплатливоста, т.е. профитабилноста на инвестицијата се врши на определена дата така што се споредува вредноста на вложените производни фактори и проценетите идни приходи од проектот. Притоа, бидејќи вложувањето на производните фактори се вршело во минатите временски периоди, нивните поединечни износи се вкаматуваат до моментот на пресметката. Од друга страна, бидејќи приносите на инвестицијата ќе бидат остварени во иднината, нивните очекувани вредности се дисконтираат до денот на пресметката. Оттука, профитабилноста на инвестицијата се пресметува како разлика меѓу дисконтираните идни приходи и вкаматените минати издатоци.

Поврзано

• Економија