Протекционизам

Од Википедија — слободната енциклопедија
Прејди на: содржини, барај

Протекционизам (лат. protegere = заштита) означува економски мерки, со кои една држава се обидува да ограничи пласирање на странски производ на домашниот пазар. Тие мерки се наоѓаат во доменот на стратегиските трговски политики и нивната цел е по правило, подобрување на пласманот на домашните продукти, унапредување и подобрување на развојот на поедините стопански гранки како и стопанството во целина. Такви мерки на стратегиска трговинска политика помагаат во развојот на поедини земји во развој во толкава мерка, па некои од нив веќе прераснале во индустриски сили (нпр. Кина).

Противниците на протекционизмот аргументираат со тоа што секој протекционизам предизвикува и реципрочни мерки на потенцијалните трговски партнери и дека на крајот сепак домашното стопанство е најмногу загрозено со таквите мерки. Тие бараат глобална и слободна трговија и заговараат препуштање на употреба на сите економски инструменти на самиот пазар.

Посебна форма на протекционизам претставува културниот протекционизам како и протекционизмот во спортот. Со таквите мери се штитат поединечни држави или региони од културни влијанија во странство, односно се штити домашниот пазар на спортисти. Во тој контекст се познати поранешните ограничувања на странските играчи во клубови на некои западноевропски земји.