Ѓуземелци
| Ѓуземелци | |
  Ѓуземелци Местоположба на Ѓуземелци во Македонија
Ѓуземелци на карта
| |
| Координати 41°49′41″N 21°52′33″E / 41.82806° СГШ; 21.87583° ИГД | |
| Регион |  Вардарски
|
| Општина |  Лозово
|
| Население | 22 жит. (поп. 2021)[1]
|
| Пошт. бр. | 2208 |
| Шифра на КО | 24012 |
| Надм. вис. | 372 м. м |
|
Ѓуземелци на општинската карта  Атарот на Ѓуземелци во рамките на општината | |
 Ѓуземелци на Ризницата
| |
Ѓуземелци — село во Општина Лозово. Според пописот од 2002 година, селото имало население од 40 жители.
Географија и местоположба[уреди | уреди извор]
Селото се наоѓа во Овче Поле, на околу 6 км источно од Лозово.
Историја[уреди | уреди извор]
На крајот на XIX век селото било дел од Велешката каза на Отоманското Царство. Според податоците на бугарскиот етнограф Васил К’нчов, селото во 1900 година имало 135 Македонци.[2] Според Димитар Мишев, селото имало население од 144 христијани.
- Цркви
- Црква „Св. Ѓорѓи“ — црква од XVI век;
- Црква „Св. Илија“;
- Црква „Вознесение Христово“;
Население[уреди | уреди извор]
|
| |||||||||||||||||||||||||||||||||
Според германска карта издадена во 1941 година, а заснована на пописот на Кралството Југославија од 1931 година, селото имало 10 до 25 Македонци.[3]
Според пописот на населението на Македонија од 2002 година, селото има 40 жители, сите Македонци.[4]
Според последниот попис од 2021 година, во селото живееле 22 жители, сите Македонци.
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 135 | 144 | 157 | 197 | 204 | 136 | 128 | 81 | 59 | 40 | 22 |
- Извор за 1900 г.: Македонија. Етнографија и статистика.[5]; за 1905 г.: La Macédoine et sa Population Chrétienne.[6]; за 1948-2002 г.: Државен завод за статистика на РМ.[7]; за 2021 г.: Државен завод за статистика на РМ.[8]
Родови[уреди | уреди извор]
Ѓуземелци е македонско село.
Според истражувањата од 1958 година, родови во селото
- Доселеници: Ганевци (4 к.), Митковци (3 к.) и Куличкови (2 к.) стари доселеници со непознато потекло; Тасеви (3 к.) доселени се, но не знаат од каде; Чекови (1 к.) потекнуваат од домазет доселен од селото Горобинци. Таму биле староседелци; Мрлевци (4 к.) доселени се во XIX век од селото Кадрифаково. И таму се доселиле однекаде; Саневи (2 к.) доселени се од селото Сопот; Бабаич Стојан (1 к.) доселени се од селото Сарамзалино; Миланови (1 к.) доселени се од селото Сарамзалино. Таму припаѓале на родот Теофци. На тој род припаѓал и претходниот род; Орданови (1 к.) доселени се во 1935 година од селото Делисинци; Портар (1 к.) доселени се во 1938 година од селото Кнежје. Таму биле доселени од Сарамзалино, каде припаѓале на родот Теофци; Ничеви (3 к.) доселени се од селото Немањици. Таму биле староседелци; Доневи (3 к.) исто така доселени од Немањици, каде припаѓале на некој староседелски род; Дедо-Стојеви (2 к.) доселени се во 1947 година од селото Подржи Коњ кај Крива Паланка; Ристо Марков (1 к.) домаќинот на семејството имал мајка мажена во некое кочанско село со некој Турчин. Во тој брак се родило дете. Подоцна комитите, мајката и детето ги префрлиле во селото Сопот, и тука она се премажила. Ристо прешол во Ѓузумелци; Анѓелови (1 к.) доселени се во 1947 година од селото Горобинци. Подалечно потекло од Кривопаланечко; Атанасови (1 к.) и они се доселени од Горобинци. Подалечно потекло од Кривопаланечко; Стојанови (1 к.) доселени се во 1957 година од селото Конопница кај Крива Паланка.[9]
Самоуправа и политика[уреди | уреди извор]
Избирачко место[уреди | уреди извор]
Во селото постои избирачкото место бр. 1712 според Државната изборна комисија, сместени во просториите на основното училиште.[10]
На претседателските избори во 2019 година, на ова избирачко место биле запишани вкупно 19 гласачи.[11]
Поврзано[уреди | уреди извор]
Наводи[уреди | уреди извор]
- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ Кънчов, Васил. „Македония. Етнография и статистика“. София, 1900, стр.226.
- ↑ „200K Volkstumskarte Jugoslawien“.
- ↑ Попис на населението, домаќинствата и становите во Република Македонија, 2002 - Книга X
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ Трифуноски, Јован (1961). Овчеполска Котлина.
- ↑ „Описи на ИМ“. Архивирано од изворникот на 2023-08-17. Посетено на 3 ноември 2019.
- ↑ „Претседателски избори 2019“. Архивирано од изворникот на 2019-12-29. Посетено на 3 ноември 2019.
Надворешни врски[уреди | уреди извор]
- Сателитска снимка на Ѓуземелци на Карти на Гугл
| ||||||||||||||||
