Африканска Унија

Африканска Унија الاتحاد الأفريقي Union africaine Unión Africana União Africana Umoja wa Afrika
Химна Let Us All Unite and Celebrate Together
Административен центар		Адис Абеба, Етиопија
Работни јазици		арапски англиски шпански француски португалски свахили
Членство		53 африкански земји
Лидери
-	Претседател	Џакаја Киквете
-	Претседател на комисија	Жан Пинг
Основана
-	како Организација на африканско единство	25 мај 1963
-	како Африканска Унија	9 јули 2002
Површина
-	Вкупна	29.757.900 km2 (1 ва1) 11.489.589 sq mi
Население
-	проценка за 2005	850 милиони
-	Густина	25.7/km2 (177 та1) 66,6/sq mi
БДП (ПКМ)		проценка за 2003
-	Вкупен	US$ 1.515 трилиони (16 та1)
-	По жител	$1,896
БДП (номинално)		проценка за 2003
-	Вкупно	$514 милијарда
-	По жител	$643
Часовен појас		(UTC-1 to +4)
1	Ако се смета за една држава.

Африканската Унија е меѓународна организација во која членуваат 53 африкански држави. Основана е на 9 јули 2002 година и е создадена од Африканската економска заедница и Организација на африканско единство. Седиштето е во Адис Абеба во Етиопија.

Африканската Унија се стреми да има една валута - афро валута. Исто така се стреми за обединување на воените сили, но и сите други институции на членките. Целта на унијата е да и помогне на демократијата на африканските држави, човековите права и економијата на африканските држави особено преку прекинување на внатрешните конфликти во Африка и создавање на единствен пазар.

Членство

Моментални членки

Алжир Ангола Бенин Боцвана Буркина Фасо Бурунди Камерун Зелен ’Рт Централноафриканска Република Чад Комори БСК Демократска Република Конго Република Конго Џибути Египет Екваторска Гвинеја Еритреја

Етиопија Габон Гамбија Гана Гвинеја Гвинеја-Бисао Кенија Лесото Либерија Либија Мадагаскар Малави Мали Мавританија Маврициус Мозамбик Намибија Нигер

Нигерија Руанда Западна Сахара Сао Томе и Принципе Сенегал Сејшели Сиера Леоне Сомалија ЈАР Судан Свазиленд Танзанија Того Тунис Уганда Замбија Зимбабве

Поранешни членови

Мароко ја напуштила (Организација на африканско единство) во 1984 година.

Проблеми на Унијата

Африканската унија се соочува со многу проблеми, вклучувајќи ги и проблемите со здравјето како што е на пример маларијата и сидата. Исто така се соочува и со политички проблеми како на пример судар со недемократските општества и режими и многу граѓански војни, економските проблеми како што се проблеми со зголемување на стандардот на живеење, сиромаштијата, неписменоста, еколошки проблеми и проблеми со меѓународни законски акти, а особено деколонизацијата на Западна Сахара.

Економија

Комбинацијата на африканските држави во унијата претставува 17 светска економија со БДП од 500 милијарди американски долари, и е веднаш зад Холандија. Со споредна на БДП со ППП, економијата на Африканската Унија брои 1.515 трилиони американски долари и ја рангира Унијата на 11 место веднаш зад Бразил. Во исто време, Унијата има долг од 200 милијарди американски долари.

Целите на Африканската Унија вклучуваат и создавање на единствена трговска зона, потрошувачка унија, единствен пазар, централна банка и монетарна унија а особено единствена валута. Плановите за валутата се да се направи единствена валута до крајот на 2023 година..

Јазици на Африканската Унија

Во согласност со уставниот акт на Африканската Унија, работни јазици во рамките на Унијата се арапски јазик, англиски јазик, француски јазик и португалски јазик како и африкански јазици ако е можно користење на истите. Со протокол на уставен акт на Унијата прифатен во 2003 (кој сѐ уште не на сила) се додадени шпански јазик, свахили и секој друг африкански јазик и работните шест јазици се именувани како официјални јазици. Во праксата, преводот на документите на Африканската Унија на било кој од официјалните јазици создава значителен застој и потешкотии за развој на бизнисот. Во 2001 година е создадена Африканска академија на јазици за да промовира африкански јазици помеѓу африканското население.

Географија

Карта на Африканската Унија.

Членките на Африканската Унија ја покриваат речиси сета територија на Африка и неколку острови покрај бреговите на Африка. Географијата на Африка е многу разновидна, меѓу кои и најголемата пустина Сахара, големи и пространи џунгли и савани и најголемата река во светот Нил.

Африканската Унија има површина од 29,922,059 km² со 24,165 km² брег. Поголем дел од оваа површина се наоѓа во континентална Африка, а додека сосем мал дел отпаѓа на острови како што се Мадагаскар и некои околни острови и заедно се околу 2% од вкупната површина.

Симболи

Грбот на Африканската Унија се состои од златна лента закачен со црвени прстени и палмови листови од околу и формираат круг во кој е претставена Африка со златна боја. Црвените прстени ја претставуваат африканската солидарност и пролиената крв за слобода на Африка од колонизаторите. Палмовите листови го претставуваат мирот во Африка. Златната боја и мотиви го претставуваат богатството на Африка а додека зелената боја ги претставуваат надежта и аспирациите на африканските нации. Африка е претставена без граници како симбол на единството на државите.

Знамето на Африканската Унија е претставено со зелени хоризонтални ленти и тенки златни линии а додека во центарот се наоѓа грбот на Африканската Унија. Исто така и во знамето зелената боја ги претставува надежта и аспирациите на африканските нации а златната боја го претставува богатството на Африка. Боите ги претставуваат панафриканските бои и колорит.

Африканската Унија прифатила нова химна која се вика Let Us All Unite and Celebrate Together или „Ајде сите да се обединиме и прославуваме заедно“.

Надворешни врски

• Африканска Унија oфицијална страница
• Африканска Унија - Мисија во ООН
• Самит на Африканската Унија 2002 во Дурбан, Јужна Африка
• Самит на Африканската Унија 2003 во Мапуто, Мозамбик
• African Union Summit 2005 in Sirte, Libya.
• 6th African Union Summit 2006 во Картум, Судан.
• 7th African Union Summit 2006 во Банџул, Гамбија.
• 7th African Union Summit 2006 во Банџил, Гамбија, создадена од владата.
• African Economic Community
• BBC Profile: African Union
• Africa turns from instability and conflict to mutual co-operation Jane's Intelligence Review, September 2006
• Open Directory Project - African Union
• AfriMAP
• Southern Africa Regional Poverty Network страна на Африканската Унија.
• Institute for Security Studies (South Africa) регионални организации
• AU Monitor
• US-Africa.org
• African Elections Database
• Africare.org
• Femmes Africa Solidarité
• Picture of the African Union