Анета Тасова

Анета Тасова
Роден/а	28 јануари, 1982 Кочани, Македонија

Анета Тасова – македонска писателка, поетеса и новинарка

Животопис

Анета (Василева) Тасова е родена на 28.1.1982 г. во Кочани. Како дете се истакнувала во своите награди од областа на физиката, математиката и литературата. Сите мислеле дека живее во Жиганци, а таа постојано талкала по планетите на разумот и неразумот. Исклучена од секаква реалност, верува во Љубов, а за неа тоа е помалку судбина, повеќе Поезија, а најмногу Господ. Затоа целиот нејзин живот била активен безработник и чекала подобри времиња.

Дипломирала на Филолошкиот факултет (Македонска книжевност и јужнословенски книжевности). Членувла во поетските клубови „Копнеж” – Кочани и „Мугри” – Скопје и во драмскиот аматерски театар „Чекори”. Дел од нејзиното творештво видел бел ден во алманасите на претходно споменатите клубови; прозните списанија „Лоза” и „Маргина”; дневните весници „Вечер”, „Време” и „Дневник” и во електронското издание на конкурсот на „Електролит“.

Творештво

• „Умри женски“, поетска збирка („Силсонс“, 2015)
• „Сите авиони летаат над моето село”, збирка раскази (Матица, 2007)

Награди

• Награда „Живко Чинго“ (фондација „Рамковски“) во 2007 година, за збирката раскази „Сите авиони летаат над моето село”
• Награда „Караманов” во 2004 година, за најдобра необјавена поетска збирка
• Награда на весникот „Студентски збор”, за најдобар краток расказ на конкурсот објавен во 2003 годин

Наводи

Македонска книжевност