ФК Сиетл Саундерс

Сиетл Саундерс
Сиетл Саундерс
Целосно име	ФК Сиетл Саундерс
Држава	САД
Основан	13 ноември 2007
Бои	зелена и сина
Стадион	СенчриЛинк Филд; Сиетл, Вашингтон
Капацитет	41,000
Сопственик	Џо Рот; Едријан Ханауер; Пол Ален; Дру Кери
Тренер	Брајан Шмецер
Лига	МЛС
2018	Западна Конференција: 2-ри; Вкупно: 4-ти; Плејоф: конф. полуфинале
Мреж. место	Официјално мрежно место
Домашни бои	Гостински бои
	Тековна сезона

ФК Сиетл Саундерс е американски професионален фудбалски клуб со седиште во Сиетл, Вашингтон, кој се натпреварува во западната конференција на МЛС лигата. Клубот е основан на 13 ноември 2007 година, а започнале да се натпреваруваат во 2009 како резултат на проширувањето на бројот на клубови во МЛС лигата, со што тие станале 15-тиот тим. Името Саундерс го избрале навивачите преку една онлајн анкета во 2008 година, со што ФК Сиетл Саундерс станал третиот фудбалски клуб од градот Сиетл кој го носи истото име.

Мнозинското сопствеништвото на клубот му припаѓа на американскиот стопанственик Едријан Ханауер, додека помал дел од акциите имаат холивудскиот продуцент Џо Рот, потоа Пол Ален и Дру Кери. Поранешниот тренер на стариот Сиетл Саундерс, Брајан Шмецер, е моментален тренер на клубот а функцијата ја преземал во 2016 година по заминувањето на Зиги Шмид. Својте домашни натпревари Саундерс ги играат на СенчриЛинк Филд. Заедно со уште неколку организирани групи, 53-члениот бенд наречен "Саунд Вејв" го поддржува клубот на секој домашен натпревар. Сиетл исто така се натпреварува во Каскадија купот со својте соперници од МЛС Портланд и Ванкувер.

Саундерс го одиграле својот прв натпревар на 19 март 2009 година, победувајќи ги Њујорк Ред Булс со 3-0. Сиетл се меѓу најуспешните клубови во лигата, водат по бројот на продадени сезонски билети, и се квалификувале во Плејофот за МЛС купот во секоја сезона досега по приклучувањето во лигата. Досега клубот го освоил 4 пати Отворениот куп на САД, MLS Supporters' Shield во 2014 и МЛС купот во 2016. Покрај тоа е водач по бројот на посетеност во МЛС уште од нивната прва сезона, со постојано одржување на просек од 50-65% повеќе од следниот тим со највисока посетеност во лигата, ЛА Галакси.

Меѓу најпознатите играчи кој играле за клубот се двајцата најдобри стрелци во клупската историја Клинт Демпси (поранешен капитен на американската репрезентација) и Фреди Монтеиро, потоа нигерискиот напаѓач Обафеми Мартинс, долгогодишниот капитен Освалдо Алонсо и моменталниот капитен Николас Лодеиро. Исто така низ годините клубот произвел и некој локални играчи кој излегле од академијата на клубот како ДеАндре Једлин, моментален играч на Њукасл Јунајтед во Англија и моменталниот напаѓач на клубот Џордан Морис.

Историја

Хронологија

По сезони

Ажурирано на 27 јуни 2015

Година	Бодови / Скор	МЛС регуларен дел Вкупно	МЛС регуларен дел Конференција	МЛС куп Плејоф	Отворен куп на САД	КОНКАКАФ Лига на шампиони	Тренер	Капитен	МВП
2009	47 / 12–11–7	4-то, вкупно	3-то, Западна конференција	Конференциско полуфинале	Шампиони (1ª)	Не се квалификувале (2009–2010)	Зиги Шмид	Кејси Келер	Кејси Келер
2010	48 / 14–6–10	6-то, вкупно	4-то, Западна конференција	Конференциско полуфинале	Шампиони (2ª)	Групна фаза (2010–2011)	Освалдо Алонсо
2011	63 / 18–9–7	2-ро, Вкупно	2-ро, Западна конференција	Конференциско полуфинале	Шампиони (3ª)	Четвртфинале (2011–2012)
2012	56 / 15–11–8	7-мо, Вкупно	3-то, Западна конференција	Конференциско финале	Финале	Полуфинале (2012–2013)	Мауро Росалес
2013	52 / 15–7–12	6-то, вкупно	4-то, Западна конференција	Конференциско полуфинале	Трето коло	Не се квалификувале (2013–2014)
2014	64 / 20–4–10	1-во, Вкупно (1ª)	1-во, Западна конференција (1ª)	Конференциско финале	Шампиони (4ª)	Не се квалификувале (2014–2015)	Бред Еванс	Обафеми Мартинс
2015	51 / 15–13–6	6-то, Вкупно	3-то, Западна конференција	Конференциско полуфинале	Четврто коло	Четвртфинале (2015–2016)	Клинт Демпси
2016	48 / 14–6–14	7-мо, Вкупно	4-то, Западна конференција	Шампиони	Четвртфинале	Не се квалификувале (2016–2017)	Зиги Шмид Брајан Шмецер	Клинт Демпси	Штефан Фрај
2017	53 / 14–11–9	7-мо, Вкупно	2-ро, Западна конференција	Вицешампиони	Петто коло	Не се одржало	Брајан Шмецер	Кристијан Ролдан
2018	59 / 18–5–11	4-то, Вкупно	2-ро, Западна конференција	Конференциско полуфинале	Четврто коло	Четвртфинале (2017–2018)	Штефан Фрај

Име, бои и симболи

Официјалните бои на клубот, зелената и морската сина, се традиционални бои и на Каскадија, регион во северозападниот дел на американскиот континент, и ги претставуваат неговите типични елементи како што се шумите и тихоокеанскиот океан.^[1]

При раѓањето на франшизата, во 1974 година, името Саундерс било избрано за да ги потсетува жителите на Puget Sound (на мак. Заливот Пуџет), огромниот залив со поглед на градот Сиетл. Кога клубот бил примен во МЛС, првата идеја на управата била да идентификува друго име, кое би претставувало нов почеток,^[2] а потоа била отворена онлајн анкета за избор на новото име на клубот од следниве три алтернативи: Сиетл Алијанс, ФК Сиетл И Сиетл Репаблик. Сепак, со оглед на големиот притисок на навивачите да го задржат историското име, била вметната четврта опција за избор. Така името Сиетл Саундерс победило во изборот освојувајќи дури 49% од гласовите.^[3]

Грбот избран од клубот во 2009 година е составен од зелен штит на кој во средината се наоѓа игла, што е симбол на градот, под кој има сини елементи. Двете фигури, кои се одржуваат заедно во група со името на клубот, претставуваат заедница помеѓу разни личности како што се сопствениците, играчите, навивачите и градската заедница.

Дресови

Домашни

2009–2010

2011–2012

2013–2014

2015

2016-2017

2018-2019

Гостински

2009–2010

2011–2012

2013–2014

2015–2016

Трети

2010–2011

2012–2013

2014–2015

Спонзори

Период	Изработувач на дрес	Спонзор на дрес
2009–2018	Адидас	Xbox
2019–денес	Адидас	Zulily

Стадион

ФК Сиетл Саундерс ги играат својте домашни натпревари на стадионот СенчриЛинк Филд во Сиетл, кој исто така е дом на Сиетл Сихокс.^[4] Сопственикот дел од акциите на Саундерс Пол Ален, е исто така, сопственик на Сихокс, кои имаат 30-годишен закуп на СенчриЛинк Филд.^[5] Поради овој однос, Саундерс го користат СенчриЛинк Филд без да плаќаат кирија.^[6] За натпреварите на Саундерс, теренот се нарекува "The Xbox Pitch at CenturyLink Field" како дел од спонзорски договор со Мајкрософт.^[7]

Капацитетот на стадионот СанчриЛинк Филд е со 67.000 седишта наменети за двата спорта: Американски фудбал и фудбал.^[8] Меѓутоа Саундерс вештачки го ограничуваат капацитетот на стадионот за натпреварите од МЛС, така што некој сектори за седење се покриени со церади со цел да се обезбеди повеќе интимна атмосфера.

Рекордна посетеност на стадионот е поставена на 7 октомври 2012 година, кога толпа од 66.452 гледачи присуствувале на победата на Саундерс со 3-0 над најголемиот соперник Портланд Тимберс; тоа е воедно втора највисока посетеност на еден натпревар во МЛС во историјата.

Играчи

Моментален состав

Бр.	Позиција	Играч
4	СР	Густав Свенсон
5	ОД	Нуху Толо
7	СР	Кристијан Ролдан
8	СР	Виктор Родригес
9	СР	Раул Руидијас
10	СР	Николас Лодеиро
11	СР	Бред Смит
13	НП	Џордан Морис
14	ОД	Чад Маршал
17	НП	Вил Бруин

Бр.	Позиција	Играч
18	ОД	Келвин Лирдам
19	СР	Хари Шип
20	ОД	Ким Ки-хи
21	СР	Жорди Делем
23	СР	Хенри Винго
24	ГМ	Штефан Фрај
29	СР	Роман Торес
35	ГМ	Брајан Мередит
70	СР	Хандвала Бвана

Познати поранешни играчи

Тренери

Име	Држава	Период
Зиги Шмид	Германија	2008-2016
Брајан Шмецер	САД	2016-

Титули

МЛС Куп
- Победник: 2016
MLS Supporters' Shield
- Победник: 2014
Отворен куп на САД во фудбал
- Победник (4): 2009, 2010, 2011, 2014
МЛС Западна Конференција
- Победник (Регуларен дел од сезоната): 2014
Помали купови
- Каскадија куп: 2011, 2015, 2018
- Комјунити Шилд (2): 2011, 2012
- Heritage Cup (3): 2010, 2011, 2013
- Desert Diamond Cup: 2013

Наводи

↑ „Badge and Colors Fact Sheet“. Seattle Sounders FC. Архивирано од изворникот на 2011-07-16. Посетено на April 7, 2008.
↑ soundersfc.com, уред. (8 април 2008). „Sounders FC Rings True“ (англиски). Посетено на 8 декември 2016.
↑ soundersfc.com, уред. (7 април 2008). „Call us Sounders FC“ (англиски). Посетено на 8 декември 2016.
↑ „MLS awards Seattle expansion team for 2009“. Major League Soccer. November 17, 2007. Архивирано од изворникот на 2014-04-26. Посетено на March 20, 2012.
↑ Dudley, Brier (September 25, 1998). „Seahawks Sign Lease For 30 Years At New Stadium“. The Seattle Times. Архивирано од изворникот на 2011-11-16. Посетено на February 19, 2011.
↑ „Splashy Sounders set to kick off in Seattle“. ESPN. January 22, 2009. Архивирано од изворникот на 2012-10-24. Посетено на February 19, 2011.
↑ Romero, José Miguel (May 29, 2008). „Microsoft launches deal with MLS, Sounders FC“. The Seattle Times. Посетено на May 31, 2009.
↑ Bruscas, Angelo (July 18, 2002). „Seahawks owner believes stadium will help drive team to higher level“. Seattle Post-Intelligencer. Посетено на June 21, 2009.

Надворешни врски

Официјално мрежно место

[1] „Badge and Colors Fact Sheet“. Seattle Sounders FC. Архивирано од изворникот на 2011-07-16. Посетено на April 7, 2008.

[2] soundersfc.com, уред. (8 април 2008). „Sounders FC Rings True“ (англиски). Посетено на 8 декември 2016.

[3] soundersfc.com, уред. (7 април 2008). „Call us Sounders FC“ (англиски). Посетено на 8 декември 2016.

[originalCapacity-4] „MLS awards Seattle expansion team for 2009“. Major League Soccer. November 17, 2007. Архивирано од изворникот на 2014-04-26. Посетено на March 20, 2012.

[5] Dudley, Brier (September 25, 1998). „Seahawks Sign Lease For 30 Years At New Stadium“. The Seattle Times. Архивирано од изворникот на 2011-11-16. Посетено на February 19, 2011.

[6] „Splashy Sounders set to kick off in Seattle“. ESPN. January 22, 2009. Архивирано од изворникот на 2012-10-24. Посетено на February 19, 2011.

[7] Romero, José Miguel (May 29, 2008). „Microsoft launches deal with MLS, Sounders FC“. The Seattle Times. Посетено на May 31, 2009.

[quest-seahawks-8] Bruscas, Angelo (July 18, 2002). „Seahawks owner believes stadium will help drive team to higher level“. Seattle Post-Intelligencer. Посетено на June 21, 2009.

[1]

[2]

[3]

[4]

[5]

[6]

[7]

[8]