Оливер Харт
Оливер Харт (англиски: Oliver Hart; 9 октомври 1948, Лондон) — британско-американски економист, добитник на Нобеловата награда во 2016 година.
Биографија[уреди | уреди извор]
Харт е роден во Лондон, во 1948 година. Дипломирал во областа математика на Универзитетот Кембриџ (Cambridge University), a во 1972 година магистрирал во областа економија на Универзитетот на Ворвик (University of Warwick). Докторирал на Универзитетот Принстон во САД, во 1974 година. Во 2016 година, Харт ја добил Нобеловата награда, за придонесот во теоријата на договорите. Во моментот на добивањето на Нобеловата награда, Харт работел како професор на Универзитетот Харвард, а претходно бил професор и на МИТ.[1]
Научна дејност[уреди | уреди извор]
Научниот придонес на Харт е во областа на некомплетните договори (Incomplete contracts) во кои не можат однапред да се предвидат сите можни околности, ниту отпосле да се измерат прецизно остварувањата на договорните страни.[2]
Наводи[уреди | уреди извор]
- ↑ Владимир Филиповски, „Дизајнирање на економските договори - креирање поттици за ефикасно користење на ресурсите и справување со конфликтите на интереси“, Економија и бизнис, година 18, број 221, ноември 2016, стр. 22-25.
- ↑ Владимир Филиповски, „Дизајнирање на економските договори - креирање поттици за ефикасно користење на ресурсите и справување со конфликтите на интереси“, Економија и бизнис, година 18, број 221, ноември 2016, стр. 22-25.
