Мрзен Ораовец
| Мрзен Ораовец | |
  Мрзен Ораовец Местоположба на Мрзен Ораовец во Македонија
Мрзен Ораовец на карта
| |
| Регион | Предлошка:Грбови |
| Општина | Росоман |
| Население | 2 жит. (поп. 2021)[1]
|
| Шифра на КО | 11030 |
| Надм. вис. | 411 м |
|
Мрзен Ораовец на општинската карта  Атарот на Мрзен Ораовец во рамките на општината | |
 Мрзен Ораовец на Ризницата
| |
Мрзен Ораовец — село во Општина Росоман, во областа Тиквеш, во околината на градот Кавадарци.
Географија и местоположба
Селото се наоѓа во Тиквешијата, оддалечено 20 километри западно од Кавадарци и 12 километри југозападно од Росоман.
Историја
Подрачјето на Мрзен Ораовец е населено уште од древномакедонско време, за што сведочат остатоците од утврдената населба Падарница на 2 км југоисточно од селото.[2]
Во XIX век селото било дел од Тиквешката каза на Отоманското Царство.
Во селото е пронајден Тиквешкиот зборник, ракописен текст од XVI век.
Стопанство
Демографија
Според статистиката на Васил К’нчов („Македонија, Етнографија и статистика“) од 1900 година, во Мрзен Ораовец живееле 620 жители, сите Македонци.[3]
Според егзархискиот секретар Димитар Мишев („La Macédoine et sa Population Chrétienne“), во 1905 година во Мрзен Ораовец имало 480 Македонци, под врховенството на Бугарската егзархија.[4]
Според пописот од 2002 година селото имало само 5 жители, сите Македонци.[5]
Според пописот од 2021 година селото има само 2 жители, сите Македонци.
На табелата е прикажана состојбата на населението во сите пописни години:[6]
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 |
|---|---|---|---|---|---|---|---|---|---|---|
| Население | 620[3] | 480[4] | 429 | 399 | 301 | 179 | 97 | 25 | 14 | 5 |
Родови
Како родови во Мрзен Ораовец се споменуваат:[7]
- Староседелци: Ничовци (7 к.), Ицовци (1 к.), Илевци-Чашковци (2 к.), Пашевци (1 к.), Мишевци-Здравевци (4 к.) и Трљичовци (1 к.)
- Доселеници: Чочановци (6 к.), Арбовци (2 к.), Ќимовци-Бошковци (9 к.), Миновци (9 к.), Антовци (11 к.) и Тасевци (10 к.) сите овие родови се доселени во XVIII век од раселеното блиско село Даба. Само на родовите Антовци и Тасевци подалечното потекло им е од Дебарско Анѓушовци (1 к.) доселени се на крајот на XVIII век од околината на Призрен во Косово; Димовци (9 к.) доселени се во XVIII век од селото Радња; Јуруковци (2 к.) доселени се од јуручкиот предел кај Радовиш, од преку Вардар; Ордановци-Анѓелмевци (7 к.) и Симуновци (3 к.) доселени се од селото Житолуп во 1834 година; Сеџовци (1 к.) доселени се од селото Возарци во 1850 година; Мурговци-Мантевци (4 к.) доселени се од селото Сирково околу 1860 година; Филиповци (1 к.) доселени се во 1886 година од селото Сирково.
Општествени установи
Самоуправа и политика
Избирачко место
Селото е опфатено во избирачкото место бр. 718 според Државната изборна комисија, сместени во просториите на основното училиште на селото Камен Дол.[8]
На претседателските избори во 2019 година, на ова избирачко место биле запишани вкупно 69 гласачи.[9]
Културни и природни знаменитости
- Цркви
- Црква „Св. Никола“ од XVI или XVII век
- Археолошки наоѓалишта
- Баток — населба од римско време
- Марков Стап — рудник за мермер од римско и доцноантичко време
- Падарница — утврдена населба од хеленистичко и римско време
- Св. Илија — населба и некропола од доцноантичко време
Редовни настани
Личности
Култура и спорт
Иселеништво
Наводи
- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 155. ISBN 9989-649-28-6.
- ↑ 3,0 3,1 Кънчов, Васил. „Македония. Етнография и статистика“. София, 1900. стр.155
- ↑ 4,0 4,1 Brancoff, D.M. "La Macédoine et sa Population Chrétienne". Paris, 1905, pp. 104 – 105.
- ↑ Попис на населението, домаќинствата и становите во Република Македонија, 2002 - Книга X
- ↑ Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). База на податоци МАКСтат. Државен завод за статистика.
- ↑ Радовановиќ, Воислав. Тиквеш и Рајец.
- ↑ „Описи на ИМ“. Посетено на 3 ноември 2019.
- ↑ „Претседателски избори 2019“. Посетено на 3 ноември 2019.
Надворешни врски
| ||||||||
