Мурат II

Мурат II
Султан на Отоманската империја
Роден	1404 Амасија, Отоманската империја
Починал	3 февруари 1451 Едрене, Отоманската империја

Мурад II бил шестиот султан на Отоманската империја. На власт бил од 1421 до 1451 година со исклучок во периодот помеѓу 1444– 1446 година. На власт дошол по смртта на татко му Мехмед I.

Тој го зацврстил единството на Османлиската држава со задушување на внатрешните судири. За да ја избегне опасноста по Византиската империја и да им се спротивстави на Османлиите, папа Евгениј IV повикал на крстоносна војна на христијаните против муслиманите, иако Мурат II и не им бил така жесток непријател: оженет, како дедо му Бајазит I, за славјанка – ќерка на српски цар, тој и дал на својата сопруга слобода на вероисповест а во широчината на неговите погледи ентузијастички се огледувале грчките писатели. Мурат се согласил на неповолен мир за кој крстоносците положиле заклетва на Библијата, а тој на Куранот.

Но, наскоро папскиот легат Чезарини ги повикал крстоносците да ја нарушат спогодбата затоа што била дадена на неверник и затоа за христијанската совест не е обврзувачка. Меѓутоа, во битката кај Варна (1444) крстоносците биле поразени, а победата на Мурат II, како што тврдат историчарите ја уништила енергијата на Европа.Ова битка воедно е и последен опит Отоманската империја да биде протерена од Балканскиот полуостров, како и една од последните во т.н. Крстоносни војни.

Битката завршила со огромна победа на Османлиите, а во борбата загинал кралот Владислав и папскиот кардинал Јулијан. По ова борба, Османлиската империја го зазела и Константинопол во 1453 година.

Успеси и походи на Мурат II:

• Војна со христијаните на Балканскиот полуостров
• Неуспешна опсада на Константинопол
• Завладување на емиратствата Аиден, Гермиан, Ментеше и Теке
• Опсада на Солун при кое во 1430 година венецијанците го напуштиле градот кон 1432 година
• завладување на Србија во 1439 година

Починал на 3 февруари 1451 година во Одрин.