Филип Миркуловски
| Филип Миркуловски | |||
|---|---|---|---|
 | |||
| Лични податоци | |||
| Име и презиме | Филип Миркуловски | ||
| Роден(а) |
14 септември 1983 Скопје, СР Македонија, СФРЈ | ||
| Националност | Македонец | ||
| Спорт |
 Ракомет | ||
| Висина | 1,89 м | ||
| Тежина | 91 кг | ||
| Позиција | централен бек | ||
| Клупски податоци | |||
| Број | 13 | ||
| Младински клубови | |||
| 1996-2003 |
 РК Македонија | ||
| Сениорски клубови | |||
| 2003-2004 2004-2005 2005-2015 |
РК Металург Скопје Младост Богданци РК Металург Скопје | ||
| Репрезентација 1 | |||
| 2003-денес |
Македонија | 93 (225) | |
|
1 Податоците за репрезентативни настапи и постигнати голови важат за 29 јануари 2012 | |||
Филип Миркуловски (роден на 14 септември 1983 ) ― македонски ракометар.[1]
Животопис
[уреди | уреди извор]На 24 јуни 2012 година, Миркуловски се оженил со Благица Наумовска, со која бил во десетгодишна врска.[2]
Кариера
[уреди | уреди извор]Миркуловски започнал да тренира на 13 годишна возраст. Потекнува од школата на РК „Македонија“, клуб во кој се задржал седум години. Во РК „Металург“ заминал во сезоната 2003/2004. По завршувањето на Светското ракометно првенство во Катар, во февруари 2015 година, Миркуловски соопштил дека го напушта РК „Металург“ и дека се сели во РК „Хановер“. Причината за напуштањето на клубот биле големите финансиски проблеми, кои резултирале со долготрајно доцнење во исплатата на платите на ракометарите.[3] Во 25. коло на германската лига, Миркуловски покажал одлична игра во мечот против „Магдебург“, постигнувајќи шест голови, а имал и по две асистенции и украдени топки.[4] Во март 2015 година, Миркуловски потпишал двегодишен договор со германскиот клуб „Вецлар“, со важност до 2017 година, каде го заменил легендарниот хрватски ракометар Ивано Балиќ.[5]
Во знак на почит кон игрите на Миркуловски, раководството на РК „Металург“ одлучило привремено да биде повлечен дресот со број 13, кој во претходните 12 години го носел Миркуловски.[6]
Миркуловски бил член на Македонската ракометна репрезентација, со која настапил на Европските првенства во 2012, 2014и 2016ак ко и на светските првенства во 2013 и 2015 година.
Наводи
[уреди | уреди извор]- ↑ „Macedoniahandball.com“. Архивирано од изворникот на 2013-03-28. Посетено на 2011-06-14.
- ↑ ZOOM.mk[мртва врска]
- ↑ „Миркуловски: Се селам во Хановер“, Дневник, година XIX, број 5686, сабота-недела, 7-8 февруари 2015, стр. 23.
- ↑ „Миркуловски блескаше против Магдебург“, Утрински весник, година XVI, број 4724, вторник, 3 март 2015, стр. 19.
- ↑ „Миркуловски потпиша за Вецлар“, Дневник, година XIX, број 5721, петок, 20 март 2015, стр. 24.
- ↑ „Во Металург повеќе нема никој да го носи дресот на Миркуловски“, Дневник, година XIX, број 5691, петок, 13 февруари 2015, стр. 22.
| ||||||||
| ||||||||