Некар

Од Википедија, слободната енциклопедија
Прејди на: содржини, барај
Некар
Neckar

Реката Некар близу Хајделберг
Извор Шварцвалд
Утока Рајна
49°30′43″ СГШ 8°26′14″ ИГД / 
Земји во сливот Германија
Должина 367 км
Надм. вис. на изворот 706 м
Прос. истек 145 м³/сек
Сливно подрачје 14.000 км²

Некар (герм. Neckar) — река во Германија со должина од 367 километри. Тече главно во југозападната покраина Баден-Виртемберг, но мал дел и во Хесен и се вбројува меѓу поголемите притоки на Рајна. Извира во областа Шварцвалд близу Филинген-Швенинген, на надморска височина од 706 метри, па минува низ Ротвајл, Ротенбург на Некар, Килхберг, Тибинген, Ниртинген, Плохинген, Еслинген, Штутгарт, Лудвигсбург, Марбах, Хајлброн и Хајделберг, и на крај се влева во Рајна кај Манхајм (на 95 метри надм. височина).

На потегот од Плохинген до Штутгарт, долината на Некар е густо населена, со многу индустриски области, вклучувајќи неколку познати претпријатија како Дајмлер АГ (Daimler AG) (Мерцедес-Бенц) и Мале ГмбХ (Mahle GmbH). Помеѓу Штутгарт и Лауфен, реката тече во живописни меандри и стрмни котлини со фосилен тријаски варовник и плеистоценски травертин. Долж долината се издигаат Оденвалдските ридови, каде се сместени бројни замоци како Бург Хорнберг и Бург Гутенберг во Хасмерсхајм, но и енергетски капацитети како затворената Обригхајмска и активната Некарвестхајмска атомска централа. Заминувајќи го Хајделберг, Некар излива просечно 145 m³/сек вода во реката Рајна, и со тоа е четврта најголема притока, и десетта река по големина во Германија.

Името „Некар“ доаѓа од латинските Nicarus и Neccarus, кои пак се изведени од келтскиот збор „Никрос“, што знали „дива вода“ или „диво момче“. Од 1100 г. Некар почнал да се користи за сплаварење на дрвени трупци од Шварцвалд во други подрачја како Холандија, каде граѓата се употребувала за бродоградба.

Во текот на XIX век, традиционалните влечни чамци се заменети со парабродови кои користеле 155-километарски ланец за спротиводна пловидба.

Отсјај на куќи во во Некар, Тибинген
Некар во Штутгарт

Во 1968 е завршена и последната од вкупно 27 каналски брани, и со тоа Некар станал пловен за товарни бродови околу 200 km спротиводно од Манхајм, па сè до речнниот пристаништен град Плохинген, каде се влива притоката Филс. Други поважни делови се Штутгарт, Хајлброн и Манхајм.

Течението на реката е популарно кај велосипедистите, особено во летниот период. Стрмните падини на речната долина се просеани со лозја, каде главно се одгледува сортата „Тролингер“.

Населени места крај Некар[уреди]

Од изворот, па до вливот во Рајна:

Поважни притоки[уреди]

Реката Керш, притока на Некар

Надворешни врски[уреди]