Камил Глик

Од Википедија — слободната енциклопедија
Полска Камил Глик
Лични податоци
Роден на 3 февруари 1988(1988-02-03)(36 г.)
Роден во Јастшембје-Здруј, Полска
Држава  Полска
Висина &100000000000001900000001,90 м
Позиција одбрана
Клупски податоци
Сегашен клуб Монако Монако
Број 25
Младинска кариера
МОСИР Јастшембје-Здруј
ВСП Воѓислав Слонски ВСП Воѓислав Слонски
Кариера*
Години Клуб Наст. (Гол.)
2005-2006 Шлеска Љубомија ? (?)
2006 Орадада Орадада ? (?)
2006–2008 Реал Мадрид Ц Реал Мадрид Ц 18 (0)
2008-2010 Пјаст Гливице Пјаст Гливице 54 (2)
2010-2011 Палермо Палермо 0 (0)
2011Бари Бари 16 (0)
2011-2016 Торино Торино 154 (12)
2016- Монако Монако 33 (6)
Репрезентација
2008-2010 Полска Полска 21 14 (3)
2010- Полска Полска 46 (3)
*Настапи и голови само на првенствени натпревари, според податок од 6 јануари 2011
‡ Настапи и голови за репрезентација, според податок од 17 ноември 2010

Камил Јацек Глик (роден на 3 февруари 1988 година, во Јастшембје-Здруј) — полски фудбалер, играч од одбраната на Монако и на полската репрезентација.

Исто така тој има и германски пасош.

Технички одлики[уреди | уреди извор]

Тој е висок централен дефанзивец[1], надарен со голема физичка сила, но и добра подвижност; неговата предност е несомнено играта во воздухот, благодарение на која е опасен и во противничките шеснаесетници каде се приклучува често по изведувањето на прекини и неретко постигнува голови.[2]

Клупска кариера[уреди | уреди извор]

Почетоците во Полска, Реал Мадрид Ц и Пјаст Гливице[уреди | уреди извор]

Тој ја започна својата кариера во младинските категории на МОСИР Јастшембје-Здруј и ВСП Воѓислав Слонски, а потоа преминал во екипата на Шлеска Љубомија каде ја одиграл својата прва сезона како професионалец.

Искуството во Шпанија, во екипата на Орадада, му овозможило да биде забележан од страна на скаутите на Реал Мадрид, кој го довеле младиот полјак во 2006 и го регистрирале за настап во "Ц" тимот на Кралевите за сезоната 2006-2007. По две сезони во Мадрид, во летото 2008 година Глик одлучил да се врати во својата земја потпишувајќи за прволигашот Пјаст Гливице.

Во првата своја сезона во Пјаст одиграл 26 натпревари во лигата, а во сезоната 2009-2010, ги постигнал неговите први два гола за клубот и забележал 28 настапи.[3]

Палермо[уреди | уреди извор]

На крајот од сезоната на управата на Пјаст Гливице им го понудила Глик на италијанскиот Палермо.[4] и на 7 јули 2010, бил официјално ангажиран од страна на сицилијанците, коишто го купиле играчот за необјавена сума и потпишале договор на пет години;[5]

Тој го направил своето деби во розовиот дрес во првиот натпревар од плејофот рундата на Лигата на Европа против словенечкиот Марибор (3-0 победа), на домашен терен.[6] За него тоа било воедно и деби во европските меѓународни натпреварувања за клубови. Потоа тој речиси никогаш не бил вклучен меѓу 18-те играчи кои го сочинуваат ростерот за одреден натпревар, па сè до зимската пауза собрал само три натпревари сите во групната фаза од Лигата на Европа, и така тој не успеал да дебитира во првата италијанска лига во дресот на Палермо.

Бари[уреди | уреди извор]

Неколку дена пред официјалното повторно отворање на трансферниот прозорец, на 28 декември, Палермо дозволиле Глик да тренира со својот нов тим, Бари во кој дошол на позајмица до крајот на сезоната.[7] Глик имал силна поддршка од страна на тренерот Џампјеро Вентура. Договорот е депониран на 4 јануари 2011[8] а првенството продолжило на 6 јануари, кога на распоредот бил натпреварот Лече-Бари (0-1),[9], во кој бил клучна фигура во одбраната,[10] притоа тоа било неговото деби во италијанската фудбалска лига. Во Бари Глик бил стартер, и одиграл 16 натпревари во лигата и еден во Купот на Италија. Во 35-тото коло, во натпреварот Бари-Рома (2-3), заработил црвен картон кој му донел последователна суспензија од три натпревари со што предвреме ја завршил сезоната, па така натпреварот против рисмаката волчиица се испоставил како негов последен во дресот на Бари.[11] Откако заемот завршил, тој се вратил во Палермо, меѓутоа не бил повикан во претсезонскиот тренинг-камп, поради што морал да го напушти клубот.[12]

Торино[уреди | уреди извор]

Глик во 2015, во натпревар од Лига Европа против Зенит.

На 12 јули 2011, Глик му се приклучил на Торино во Серија Б со договор за ко-сопственост со Палермо,[13][14] за 300.000 евра.[15]

Дебитирал за граната на 13 август во натпреварот Торино-Лумецане (1-0) во вториот круг од Купот на Италија, играјќи како стартер.[16] Првиот гол за Торино го постигнал во 34-тото коло од првенството, во натпреварот Торино-Реџина (1-0).[17] На крајот од сезоната со 23 настапи и 2 гола му помогнал на својот клуб да избори промоција во Серија А.

На 22 јуни 2012, Палермо и Торино го обновиле партнерството врз договорот на Глик.[18][19]

На 31 октомври 2012 го постигнал својот прв гол во Серија А, во десеттото коло од првенството 2012-2013, на гостински терен против Лацио, стрелајќи со глава по нафрлената топка од корнер за отворање на резултатот во 10-тата минута; натпреварот завршил 1-1. Во текот на сезоната 2012-2013 ги одиграл своите први два градски-дербија (Дерби дела Моле) против Јувентус, и интересно и двата натпревари ги завршил предвреме заради добивање на црвен картон (првиот играч во историјата на лигата кој бил исклучен во ова дерби и во првиот и во вториот натпревар), и покрај тоа успеал да стане идол на навивачите на Торо. На 20 јуни, Торино го откупува целиот договор на Глик од Палермо за 1,2 милиони евра.[20][21]

За сезоната 2013-2014, Глик бил назначен за капитен на Торино по заминувањето на Роландо Бјанки.[22] Сезоната ја завршил со 34 натпревари во лигата - придонесувајќи многу за квалификацијата на тимот за Лига Европа 2014-2015.[23] На 25 мај 2014 година го обновил договорот до 2017 година.[24]

На 31 јули 2014, го направил своето деби во дресот на Торино во меѓународни натпревари, играјќи во првиот натпревар од второто квалификациско коло од Лигата на Европа победата со 3-0 на гостувањето против шведската екипа Бромапојкарна, во првиот натпревар од сезоната 2014-2015. На 24 септември 2014 година, на гостувањето против Каљари, постигнал гол за моментален резултат 1-1 во својот стотти натпревар за граната; Торо победил на тој натпревар одигран во Сардинија со 2-1.

На 21 декември 2014, за првпат во својата кариера Глик бил двоен стрелец на еден натпревар носејќи му пресврт и победа на крајот на неговиот тим над Џенова (2-1) на Олимпискиот стадион во Торино. На 10 јануари 2015, постигнал изедначувачки гол на неколку минути пред крајот против Милан. На 1 март го постигнал единствениот гол на натпреварот во победата со 1-0 против Наполи. На 19 март, го одбележал својот прв гол во евопските натпреварувања во вториот натпревар од осминафиналето на Лигата на Европа, против Зенит. Неговата му донел победа на Торино со 1-0, но не и пролаз понатаму затоа што во првиот натпревар русите победиле со 2-0. На 5 април постигнал гол и во победата над Аталанта со 2-1. Извонредната сезона во дресот на Торино, Глик ја завршил со 44 настапи и 8 постигнати гола во сите натпреварувања, придонесувајќи многу за добрата сезона на клубот. Иако е играч од одбраната, со својте 8 гола во сите натпреварувања завршил како трет клупски стрелец зад напаѓачите Фабио Кваљарела (17) и Макси Лопес (11).

Монако[уреди | уреди извор]

На 4 јули 2016, Глик се преселил во Монако за сума од 11 милиони евра плус 4 милиони бонуси, потпишувајќи четиригодишен договор.

Репрезентативна кариера[уреди | уреди извор]

Глик одиграл 14 натпревари и постигнал 3 гола за Полската репрезентација под 21 година. Во 2010 година тој го направил своето деби за сениорската репрезентација, откако претходно на 18 декември 2009 добил повик но останал неискористена замена. Со тоа тој станал првиот играч на Пјаст Гливице, клуб со долга историја, кој заиграл за полската репрезентација. Натпреварот на неговото деби бил одигран на 20 јануари 2010 година против Тајланд во Кинг купот, во кој неговата репрезентација победила со 3-1, а тој го постигнал првиот гол на натпреварот во 43-тата минута.

Првиот официјален натпревар во кој играл бил победата со 2-0 над Бугарија на 3 март.

На 17 октомври 2012 година, постигнал гол со кој ги поставил конечните 1-1 на домашен терен против Англија во Квалификациите за Светското првенство 2014.[25]

Наводи[уреди | уреди извор]

  1. Tuttopalermo.net, уред. (27 јуни 2010). „Palermo, il difensore polacco Kamil Glik“. Посетено на 14 октомври 2011.
  2. Mediagol.it, уред. (27 јуни 2010). „Mercato: la scheda di Kamil Glik“. Архивирано од изворникот на 2014-03-01. Посетено на 14 октомври 2011.
  3. Itasportpress.it, уред. (26 јуни 2010). „Esclusiva Itasportpress: al Palermo arriva il polacco Glik“. Посетено на 14 октомври 2011.
  4. 90minut.pl, уред. (26 јуни 2010). „Kamil Glik przejdzie testy medyczne w Palermo“ (полски). Посетено на 14 октомври 2011.
  5. Tuttomercatoweb.com, уред. (7 јули 2010). „Ufficiale: Palermo, preso Glik“. Посетено на 14 октомври 2011.
  6. it.uefa.com, уред. (19 август 2010). „Palermo-Maribor 3-0“. Посетено на 14 октомври 2011.
  7. Tuttomercatoweb.com, уред. (4 јануари 2011). „Ufficiale: Palermo, Glik in prestito al Bari“. Посетено на 14 октомври 2011.
  8. Legaseriea.it, уред. (4 јануари 2011). „Tutti i trasferimenti - Bari“. Архивирано од изворникот на 2015-04-05. Посетено на 14 октомври 2011.
  9. Legaseriea.it, уред. (6 јануари 2011). „Lecce-Bari 0-1“. Архивирано од изворникот на 2011-03-10. Посетено на 14 октомври 2011.
  10. Mediagol.it, уред. (6 јануари 2011). „Bari: ottimo esordio da titolare Glik, difesa regge“. Архивирано од изворникот на 2011-01-08. Посетено на 14 октомври 2011.
  11. Tuttobari.com, уред. (3 мај 2011). „Finisce il campionato di Glik: tre giornate di stop!“. Посетено на 14 октомври 2011.
  12. Palermo: non convocati Carrozzieri, Prestia e.. Архивирано на 6 август 2011 г. Mediagol.it
  13. Torinofc.it, уред. (12 јули 2011). „Glik al Toro“. Архивирано од изворникот на 2012-03-27. Посетено на 12 јули 2011.
  14. Ilpalermocalcio.it, уред. (12 јули 2011). „Darmian e Glik ceduti al Torino“. Посетено на 12 јули 2011.[мртва врска]
  15. Palermocalcio.it, уред. (12 јули 2011). „Un Palermo che investe“. Архивирано од изворникот на 2012-01-14. Посетено на 12 јули 2011.
  16. Torinofc.it, уред. (13 август 2011). „Torino-Lumezzane 1-0“. Архивирано од изворникот на 2011-08-20. Посетено на 12 октомври 2011.
  17. Serie B, Male le toscane, partita sospesa a Torino Firenzeviola.it
  18. Torinofc.it, уред. (22 јуни 2012). „Rinnovata la compartecipazione di Glik“. Архивирано од изворникот на 2012-10-17. Посетено на 17 октомври 2012.
  19. Palermocalcio.it, уред. (22 јуни 2012). „Movimenti di mercato“. Архивирано од изворникот на 2012-07-04. Посетено на 17 октомври 2012.
  20. Torinofc.it, уред. (20 јуни 2013). „Darmian e Glik al Toro“. Архивирано од изворникот на 2013-06-23. Посетено на 20 јуни 2013.
  21. Glik e Darmian. Comproprietà risolte a favore del Torino Архивирано на 2 февруари 2014 г. Palermocalcio.it
  22. Calciomercato Torino, Glik capitano Архивирано на 24 јули 2013 г. Tuttosport.com
  23. Maurizio Galdi (29 мај 2014). „Respinto il ricorso del Parma. Torino in Europa League. Ghirardi: "Calcio finito". Gazzetta.it.
  24. Glik rinnova sino al 2017 Torinofc.it
  25. „Glik ferma l'Inghilterra, a Varsavia finisce 1-1“. Gazzetta.it. 17 October 2012. Посетено на 17 October 2012.

Надворешни врски[уреди | уреди извор]