Зоран Мирковиќ

Од Википедија — слободната енциклопедија
Прејди на: содржини, барај
Федерална Република Југославија Србија и Црна Гора Србија Зоран Мирковиќ
Лични податоци
Роден на 21 септември 1971 (1971-09-21) (воз. 46 г.)
Роден во Белград, СФРЈ
Висина &100000000000001820000001,82 м
Позиција одбрана
Кариера*
Години Клуб Наст. (Гол.)
1990-1993 Рад Рад 62 (1)
1993-1996 Партизан Партизан 82 (1)
1996–1998 Аталанта Аталанта 51 (0)
1998-2000 Јувентус Јувентус 27 (0)
2000-2003 Фенербахче Фенербахче 71 (3)
2004-2006 Партизан Партизан 46 (2)
Репрезентација
1995-2002 Федерална Република Југославија Југославија 54 (0)
2003 Србија и Црна Гора Србија и Црна Гора 59 (0)
  • Сениорските учества и голови се сметаат само за домашни натпревари
податоците се од 6 јануари 2011.

† Учества (Голови).

‡ Учествата и головите за репрезентација се според податок од 17 ноември 2010

Зоран "Бата" Мирковиќ (српски: Зоран Мирковић Бата; роден на 21 септември 1971 година, во Белград) е поранешен српски фудбалер.

Клубска кариера[уреди | уреди извор]

Мирковиќ го направил своето прво појавување во професионалниот фудбал играјќи за ФК Рад во текот на сезоната 1990-1991. Но, дури и пред тоа тој и неговите соиграчи ја освоиле титулата во Југословенската лига во категоријата за играчи под-21 година, најголемиот успех на овој клуб некогаш. Мирковиќ поминал три сезони во дресот на Рад како професионален играч, и одиграл вкупно 62 натпревари (пет во сезоната 1990-91, 26 во сезоната 1991-92 и 31 во сезоната 1992-1993), постигнувајќи еден гол. Неговиот талент неостанал незабележан од страна на челните луѓе на Партизан кој го поканиле да дојде во клубот и да го брани дресот со црно-белата боја.

Мирковиќ секогаш ги опишувал трите години поминати во Партизан како најубавите години во неговата кариера и вели дека Партизан е клубот кој го сака најмногу. Во овие три години се утврдил како играч, станал прв избор во југословенската репрезентација и освоил три титули (Југословенскиот шампионат во сезоните 1993-1994 и 1994-1995 и Југословенскиот куп 1993-1994). Познат бил и по дресот со број 2 кој го носел за време на овој период. Тој станал херој на навивачите на Партизан, бидејќи бил голем борец на теренот особено во натпреварите против големиот ривал Црвена Ѕвезда. Тој одиграл 82 натпревари во дресот на Партизан (26 во 1993-94 сезона, 29 во 1994-95 сезона и 27 во 1995-1996 сезона), постигнувајќи еден гол.

Мирковиќ поминал две сезони во тимот на Аталанта. Тој заработил повреда во првиот натпревар во Серија А и морал да паузира три месеци. Тој одиграл важна улога како играч од средниот ред и одбраната и неговите настапи биле толку добри што тогашниот тренер на Јувентус, Марчело Липи го поканил да му се приклучи на Јуве. Тој бил многу популарен меѓу навивачите на Аталанта и кога клубот сакал да го продаде на Фјорентина тој изјавил дека неможе тек-така да го напушти клубот.

Кариера на Мирковиќ во Јувентус може да се подели во два различни временски периоди. Според тренерот Липи, Бата одиграл 19 натпревари во Серија А, постигнувајќи еден гол. Тој, исто така, играл натпревари и од Лигата на шампионите. Кога Карло Анчелоти ја презел функцијата во пролетта 1999 година, Мирковиќ веќе не бил прв избор во Јувентус, и играл претежно натпревари од Купот на Италија.

Во летото 2000 година, Мирковиќ потпишал три-годишен договор со Фенербахче. Тоа се покажало како многу паметна одлука. Во неговата прва сезона во Истанбул тој го освоил насловот во турското првенство и бил финалист во турскиот куп. Во својата втора сезона во Турција играл во Лигата на шампионите и го освоил второто место во турската лига. Неговата трета сезона во Фенербахче не била толку успешна. Три тренери и проблеми во клубот предизвикале Фенербахче да заврши дури на шестото место.

Потоа, во јануари 2004 година, по 6-месечна пауза од фудбалот, Мирковиќ станал играч на Партизан повторно. Тој потпишал договор на две и пол години. На 6 март 2006 година, Мирковиќ го најавил своето пензионирање поради периодични проблеми со повреда на грбот на возраст од 34 години.

Титули[уреди | уреди извор]

Федерална Република Југославија Партизан[уреди | уреди извор]

Италија Јувентус[уреди | уреди извор]

Турција Фенербахче[уреди | уреди извор]

Надворешни врски[уреди | уреди извор]