Саат-кула (Гостивар)

Од Википедија — слободната енциклопедија
Прејди на прегледникот Прејди на пребарувањето
Саат-кула Гостивар
Ebu Bekir Paşa Saat Kulesi
Saat kulata vo GV.JPG
Поглед кон саат-кулата
Општи податоци
Стилосманлиска архитектура
ГрадГостивар
ЗемјаМакедонија
Почната1728/29
Проектирање и изградба
АрхитектИсмаил Ага

Саат-кулат (турски: Ebu Bekir Paşa Saat Kulesi) — еден од најзнаменитите и препознатливи објекти во градот Гостивар. Таа е еден од трите културно-историски споменици во Гостивар и се наоѓа и на општинските грб и знаме.[1] Изградена е во 1728/29 година од Исмаил Ага, син на Хаџи Јусуф ага.

Годината на градбата и името на градителот се запишани на османлиско-турски јазик на камена плоча што се наоѓа над влезната врата. Се наоѓа во центарот на градот, а веднаш до неа постои џамија наречена „саат-џамија“ (џамија „саат Ебу Бекир паша“) која била обновена во поново време[2]. Во непосредната околина на саат-кулата се наоѓаат поштата, познатиот трговски центар „Блу-центар“ со стаклената фасада, а недалеку по улицата на 250-300 метри е црквата црквата Света Богородица и градскиот плоштад.

Гостиварската саат кула заедно со оние во Скопје, Битола и Прилеп е една од најзачуваните оригинални саат - кули. Таа се уште е во функција и го покажува точното време преку неколку часовници вградени на неа. Во 2010 била реставрирана под сомнителни околности.[1]

Наводи[уреди | уреди извор]

  1. 1,0 1,1 „Саат-кулата во Гостивар се реновира на диво“ (македонски). Дневник. 05.09.2010, 19:37. конс. 2011-03-30. 
  2. Димовска - Чоловиќ, Мирјана (2008) (на македонски). Саат кулите во Република Македонија. Скопје: Национален конзерваторски центар-скопје; Едиција Културно-историско наследство на Република Македонија. стр. 114. ISBN 978-9989-131-08-0. http://www.kalamus.com.mk/pdf_spisanija/patrimonium_3/036%20-%2035%20Spisanie%20Vera%202010.pdf. 

Надворешни врски[уреди | уреди извор]