Зелце

Од Википедија — слободната енциклопедија
Прејди на прегледникот Прејди на пребарувањето
Зелце

Seelze

Поглед на Градското собрание
Поглед на Градското собрание
Грб на Зелце
Зелце is located in Германија
Зелце
Управа
Земја Германија
Покраина Долна Саксонија
Округ Хановер
Градоначалник Детлеф Шалхорн (независен)
Основни податоци
Површина 54 км2
Надм. височина 50 м
Население 34.401 (31 декември 2019)[1]
 - Густина 637 жит/км2
Други информации
Часовен појас CET/CEST (UTC+1/+2)
Рег. табл. H
Пошт. бр. 30926
Повик. бр. 05137, 0511, 05031
Портал www.seelze.de
Местоположба на градот Зелце во рамките на округот Хановер
Карта
Координати 52°23′46″N 9°35′53″E / 52.39611° N; 9.59806° E / 52.39611; 9.59806Координати: 52°23′46″N 9°35′53″E / 52.39611° N; 9.59806° E / 52.39611; 9.59806

Зелце (германски: Seelze) — мал град во округот Хановер, во сојузната покраина Долна Саксонија, Германија. Се наоѓа на реката Лајне, околу 10 километри западно од покраинскиот главен град Хановер.

Географија[уреди | уреди извор]

Местоположба[уреди | уреди извор]

Градот се наоѓа помеѓу реката Лајне, Средногерманскиот Канал и Страничниот Канал Хановер-Линден. Сместен е на железничките линии Бремен-Хановер и Хановер-Минден.

Градски единици[уреди | уреди извор]

Градот се состои од обата дела Зелце (градското јадро) и Летер (станбената област Летер-Зид), како и местата: Алмхорст, Дедензен, Детеберг, Гимер, Харенберг, Кирхверен, Латверен, Лонде и Фелбер.

Јужно од градот се гради поголема област Зелце-Зид (1.207 жители, состојба 31.7.2020).

Соседни општини[уреди | уреди извор]

Зелце се граничи со Гарбзен, Хановер, Герден, Барзингхаузен и Вунсторф (почнувајќи од север, надесно).

Музеј[уреди | уреди извор]

Локалниот музеј и музејот за локална историја (Heimatmuseum Seelze) се наоѓа во фахверк градба од 1856 година во градскиот дел Летер. Музејот ја прикажува историјата на Зелце и останатите негови делови, интеграцијата на повратниците од поранешните германски територии, кои сега припаѓаат на Полска и Русија, како и историјата на товарната станица Зелце. Околу трипати годишно се прикажуваат посебни изложби. Во постојаната поставка може да се види чевларска работилница од 1930 година, берберница од 1920 година, училиште од 1900 година и дневна соба од истата година.[2]

Сообраќај[уреди | уреди извор]

Железнички[уреди | уреди извор]

Зелце и неговите делови имаат три станици на Хановерската С-Железница: Летер, Зелце и Дедензен/Гимер, сите на линиите С1 и С2.

Товарната станица Зелце е важна станица во Германија. Поседува 51 колосек, 6 главни пруги и работилници за вагоните и електричните локомотиви, во должина од 6 километри. Со повеќе од 200 воза дневно, станицата е една од најголемите во Германија.

Политика[уреди | уреди извор]

Градски совет[уреди | уреди извор]

Градскиот совет на Роненберг се состои од 39 членови.

На изборите на 11 септември 2016 година бил избран следниов состав:

Партија/Листа Места
SPD 16 места
CDU 12 места
Зелени 3 места
FDP 2 места
Левица 2 места
Граѓански форум 3 места
Независен 1 место

Градоначалник[уреди | уреди извор]

Градоначалник на градот Зелце е Детлеф Шалхорн (независен).

Збратимени градови[уреди | уреди извор]

Зелце е збратимен со следниве градови:

Галерија[уреди | уреди извор]

Наводи[уреди | уреди извор]

  1. „Населеност на окрузите, општините и месните заедници во Долна Саксонија на 31 декември 2019“. Служба за статистика и комуникациска технологија на Долна Саксонија. 31 декември 2019. (германски)
  2. Страница на музејот

Надворешни врски[уреди | уреди извор]