Дуинген

Дуинген
Католичката црква во Дуинген
Дуинген
Управа
Земја	Германија
Покраина	Долна Саксонија
Округ	Хилдесхајм
Општ. заед.	Лајнско Средногорје
Градоначалник	Клаус Крумфус (ДХС)
Основни податоци
Површина	59,62 км2
Надм. височина	193 м
Население	4.894 (31 декември 2020)
- Густина	82 жит/км2
Други информации
Часовен појас	CET/CEST (UTC+1/+2)
Рег. табл.	HI
Пошт. бр.	31089
Повик. бр.	05185
Портал	www.Duingen.de
Местоположба на Дуинген во рамките на округот Хилдесхајм
Координати	52°00′0″N 9°42′0″E

Дуинген (германски: Duingen; Даујен на месниот остфалски дијалект) — слободна општина во округот Хилдесхајм, во сојузната покраина Долна Саксонија, Германија. Се наоѓа 25 километри југозападно од Хилдесхајм и 40 километри јужно од Хановер.

Општината поседува пазарно право и со тоа има некои одлики на град, но официјално не ги добила градските права. Сепак, означена е како „флекен“ (Flecken), мала населба од месно значење.

Од 1 ноември 2016 година, поранешните општини Копенграфе, Хојерсхаузен, Мариенхаген и Венцен се дел од општината Дуинген. Сите тие биле дел од поранешната истоимена општинска заедница.

Географија

Местоположба

Поглед на Дуинген

Дуинген се наоѓа источно од Природниот парк Ридски крај Везер Шаумбург-Хамелн во рамките на Лајнското Средногорје помеѓу ридовите Ит, Тистер Берг и Дуингер Берг. Во близина се наоѓа изворот на притоката на Лајне, Зале. Низ Дуиншката Шума водат повеќе пешачки и велосипедски патеки.

Општински единици

Општината Дуинген е составена од следниве единици:

• Капеленхаген (жители: 141)
• Копенграфе (жители: 624)
• Дуинген (жители: 2.706)
• Фелцихаузен (жители: 84)
• Хојерсхаузен со Либрехтсен и Рот (жители: 439)
• Мариенхаген (жители: 750)
• Венцен (жители: 362)

(состојба 30 ноември 2016)

Надворешни врски

• Дуинген на Ризницата ^?
• Официјална страница (германски)