Архангел (музичка група)

Од Википедија — слободната енциклопедија
Прејди на прегледникот Прејди на пребарувањето
Архангел
Биографски податоци
ПотеклоСкопје, Македонија
Жанровипост панк, алтернативен рок, дарквејв, електронска музика
Период на активност1989–денес
ИздавачиHelidon
Avalon
Lithium
СоработнициМизар
Падот на Византија
Членови
Ристо Вртев
Поранешни членови
Панта Џамбазоски
Драган Гиновски
Петар Јанков
Дејан Аргировски - Ушко

Архангел е македонска рок група основана во февруари 1989 година. Основач на групата е Ристо Вртев, првиот вокалист на групата Мизар и поранешен член на Инола Икс. Во текот на својата кариера, рок бендот има издадено четири албуми, и се смета за една од најдобрите групи во Македонија во деведесетите години на минатиот век [1]. Архангел многу често била поврзувана со стилот на музика НСК (гермaнски: Neue Slowenische Kunst)

Историја[уреди | уреди извор]

Уште во 1980 година, многу пред формирањето на групата, Ристо Вртев ја компонираше песната „Архангел„ со која ги даде основните назнаки на својот иден уметнички израз. Подоцна, Вртев почна да прави песни за составот Мизар, додека тие сѐ уште беа насочени кон чиста рокенрол форма.

Архангел е формиран во јануари 1989 година во состав: Ристо Вртев (гитара, вокал, автор на музика и текст), Драган Гиновски (гитара), Дејан Аргировски (бас) и Зоран Цветковски (тапани). Благодарејќи на претходната репутација на Ристо Вртев како еден од членовите на култниот Мизар групата веднаш привлекла големо внимание во јавноста. Првите живи настапи на Архангел биле на најголемите рок фестивали во поранешна Југославија, оној на ЈУРМ во Загреб, како и на Младинскиот фестивал во Суботица во 1989 година каде влегоа во финалето. На фестивалот во Суботица е изведена изменета верзија на песната „Архангел", а на тој настап бас-гитара свири покојниот Дејан Аргировски - Ушко. Песната беше објавена на компилацискиот албум на фестивалот во Суботица под име „Архангел 80-89„. Најнакрај, конечната верзија на оваа песна со назив „Исус„ е објавена на нивниот албум првенец.

Во 1993 година во Македонија тие добиваат признание за најдобар албум, најдобар концерт, песна на годината и најдобар текстописец. Снимката од unplugged настапот на групата ја претставуваше Македонската телевизија на телевизискиот фестивал во Софија. Во ноември 1994 Архангел учествуваа на програмата „Денови на македонската култура„ во Данска. 1995 година свиреа на Т-фестивалот во Скопје заедно со групите Prodigy, Dog Eat Dog, Renegade Soundwave итн. Во ноември истата година настапуваа во белградскиот „Битеф театар„. Ристо Вртев ја компонираше музиката за театарската претстава „Маме му ебем кој прв почна„ според текстот на Дејан Дуковски и режија на Александар Поповски. Тапанарот Димитар Поповски и Вртев ја напишаа музиката за претставата „Туку така под облака„.[2]

Во 1995 година Архангел ја преработиле песната на Hüsker Dü - Never talkin to you again за што добиле награда за најдобра песна и најдобар спот во 1995. Во ноември 2000 Lithium Records ги реиздала сите албуми на Архангел. Првиот и вториот албум тогаш за прв пат се појавиле на CD.

Име на групата[уреди | уреди извор]

Групата своето име го добила по христијанскиот ангел Архангел, кој се смета за господар на ангелите во христијанската хиреархија веднаш под Богa.

Постава[уреди | уреди извор]

Дискографија[уреди | уреди извор]

Архангел 1[уреди | уреди извор]

Crystal Clear app xmag.svg Главна статија: „Архангел (музички албум).

Архангел било и името на првиот албум на групата кој бил издаден во март 1991 година во Белград, благодарение на Флавио Ригонат, сопственикот на куќата „Хаос„ која до тогаш издаваше само книги и американски андерграунд стрипови. Покрај Вртев и Гиновски на албумот работеа и басистот Петар Јанков (екс ДДТ) и тапанарот Димитар Димовски (екс Цилиндар). Истата година уредниците на 60 рок-магазини и радио емисии гласале за своите фаворити и Архангел бил прогласен за најдобар деби-албум и најпријатно изненадување, и албумот се пронашол на петтото место во категоријата најдобар албум за годината. Кусо по издавањето на првиот албум започнала и војната во Југославија, така што закажаната југословенска турнеја била откажана. Нумерите издадени во овој албум се следните:

  1. Ладно оружје
  2. Гордост
  3. Исус
  4. Златно жолто
  5. Превез
  6. Молк
  7. Луна
  8. Два во еден
  9. Брчки
  10. Архангел

Од овој албум, најголеми хитови кои се издвоиле се: Архангел, Превез и Молк.

Архангел 2[уреди | уреди извор]

Crystal Clear app xmag.svg Главна статија: „Архангел 2.

"Архангел 2" е вториот албум на групата кој бил издаден во јуни 1993 година за музичката и касетната продукција на МРТ. Албумот, во касетно издание и со ист репертоар беше издаден под името "Дно" за Југословенскиот пазар, под капата на `Take it or leave it records` [3] Во Југославија албумот беше промовиран на концертот на белградскиот фестивал Брзи бендови Србије. Покрај песните на Вртев (Сениште, Човек без име и презиме, Војна) на албумот се наоѓа и обработката Wonderful Life од Black, како и „Зборови Волшебни„ на текст на Борис Пастернак. Нумери кои се издадени во овој албум се следниве:

  1. Сениште
  2. Драги мој
  3. Војна
  4. Дно
  5. Чудесен свет
  6. Човек без име и презиме
  7. 1000 Светла
  8. Зборови волшебни
  9. 1.000.000$
  10. Разговор без смисла

Heart Core[уреди | уреди извор]

Crystal Clear app xmag.svg Главна статија: „Heart Core (музички албум).

Heart Core е третиот албум на групата кој бил издаден по подолга пауза во април 1998, кратко пред заминувањето на басистот Петар Јанков и неговата замена со Џоле Маскимовски [4]. Издаден од Трето Уво, албумот ја заокружи триологијата што Вртев ја беше замислил уште во почетокот [5]. По издавањето на албумот, кон крајот на годината следеше работата на филмот Збогум на 20-тиот век на Ацо Поповски и Дарко Митревски [6] каде песната Über Makedonische е главен носител на филмскиот саундтрак [7] [8] Останатиот аудио материјал од филмот, претежно инструментален, ќе се најде на следниот албум на бендот. Обработката "Never Talking To You Again" од составот Hüsker Dü е посветена на починатиот басист Дејан Аргировски. Ударни песни на албумот се „Нова вера, нова Библија„, „Über Makedonische„, „Крст„, додека во песната „Владимир„ вткаени се стихови на Владимир Мајаковски. Нумери издадени во овој албум се следниве:

  1. Нова вера нова библија
  2. Крст
  3. Heart core
  4. Нож
  5. Љубов или омраза
  6. Радост
  7. Uber Makedonishe
  8. Владимир
  9. Heart Core 2
  10. Never talk...

Небесна машина[уреди | уреди извор]

Crystal Clear app xmag.svg Главна статија: „Небесна машина.

Небесна машина е четвртиот албум на групата. Албумот бил издаден во 2003 година. Една од најуспешните песни од овој албум е Вина, невина. Нумери издадени на овој албум се следниве:

  1. Земја
  2. Небесна машина
  3. Рубин кармин
  4. Заумна сила
  5. Брчки
  6. Небо
  7. I'm so sad
  8. Шал од жал
  9. Билборд икона
  10. Вина невина

Дискографија на „Архангел“ евидентирана од ВБУ Музички Регистар.

Настапи во живо[уреди | уреди извор]

На 12 декември 1998 групата настапила на Скопскиот Саем пред околу 8.000 луѓе. Следувале неколку настапи низ Македонија и учество на фестивалот „Скопје Гори“ во мај 2000 година. Во 1993 и 1994 година, групата ги добила наградите за најдобар жив настап.

На 20 декември 2013 година, во спортскиот центар „Борис Трајковски“, Архангел одржале концерт заедно со Македонската филхармонија, под диригенство на Саша Николовски - Ѓумар.[9] На 10 декември 2016 година, групата настапила на завршната вечер на 18. издание на „Таксират“, во „Метрополис арената“.[10]

Концерти надвор од Македонија[уреди | уреди извор]

„Архангел“ одржал неколку турнеи во странство, и тоа: во Чехословачка, во 1990 година (Брно, Братислава и четири концерти во Прага); настап на концертот на УНИЦЕФ во Суботица, во 1992; настап на European Broadcasting Union Rock Festival во Љубљана, во 1994 година; турнеја низ Данска истата година; настап на фестивалот „FIAT рок“ во Подгорица, Црна Гора; настап на фестивалот „Exit“ во Нови Сад, во 2005 година.

Галерија[уреди | уреди извор]

Наводи[уреди | уреди извор]