Музичко издаваштво

Од Википедија — слободната енциклопедија
Прејди на: содржини, барај

Музичко издаваштво — занимање во музичката индустрија одговорно да обезбеди приходи за текстописците и композитор за нивните дела. Авторот по пат на издавачки договор го предава авторското право на делото на издавачка куќа, а таа од своја страна издава дозволи, врши надзор каде се користат делата, собира авторски хонорари и ги предава на творецот. Издавачот исто така обезбедува нови нарачки за работа и ги промовира постоечките дела на музичарот, филмот или телевизиската емисија.[1]

Интелектуалната сопственост во музичката индустрија има облик на авторските права предадени на издавачките куќи, како и авторското право на матичен примерок (мастер).

Улогата на музичкиот издавач[уреди | уреди извор]

Успешните текстописци и композитори работат со издавачите со авторски договор, и плаќаат значајни износи однапред, за обезбедување на средства до следното објавено дело. За ова, издавачите добиваат процент, кој може да биде од релативно скромен, па сè до 50%, зависно од видот на хонорар.

Постојат неколку вида хонорари:

  • Авторски хонорари од продажбата на снимена музика, како што се ЦД-а или дигитални преземања. Овие хонорари ги исплаќаат издавачките куќи.
  • Исполнувачки хонорари, кои ги собираат организации за исполнувачки права како што, во САД, се SESAC, BMI, ASCAP и PRS и нив ги исплаќаат радиостаници и други места што емитуваат снимена музика, како и од организаторите на настаните (концерти и др.) кајшто настапува лицето.
  • Хонорари за синхронизација, кога се работи за филмска или телевизиска музика. Тука хонорар добива и музичкиот издавач, покрај авторот.

Издавачите исто така ги поврзуваат новонапишаните дела од текстописците со соодветни музичари кои би ги исполниле, снимиле на носачи и изведувале на филмски звучни записи и реклами.

Кај пишаната музика во ноти, издавачот посредува во објавувањето на песнарки и партитури на авторите.

Поврзано[уреди | уреди извор]

Белешки[уреди | уреди извор]

Наводи[уреди | уреди извор]

Надворешни врски[уреди | уреди извор]