Мизар (музичка група)

Од Википедија — слободната енциклопедија
Прејди на прегледникот Прејди на пребарувањето
Мизар
1988, од лево кон десно: Борис Георгиев, Сашо Крстевски, Горан Таневски, Катерина Вељановска, Горазд Чаповски
Биографски податоци
ПотеклоСкопје, Македонија
ЖанровиПост-панк
Дарквејв
Готик рок
Период на активност1983–денес
ИздавачиHelidon
Avalon
СоработнициПадот на Византија
Архангел
Badmingtons
Мреж. местоwww.mizar.com.mk
Членови
Горазд Чаповски
Пеце Китановски
Зоран Оригански
Хор Хармосини
Поранешни членови
Панта Џамбазоски
Горан Трајкоски
Ристо Вртев
Борис Георгиев
Катерина Велјановска
Сашо Крстевски
Слободан Стојановски
Горан Таневски
Илија Стојановски
Жарко Серафимовски
Влатко Каевски

Мизар е македонска рок група формирана во 1981[1] во Скопје, од членовите на групата: Горазд Чаповски (гитара), Ристо Вртев (вокал), Илија Стојановски (бас гитара) и Панта Џамбазоски (тапани). Името на групата, Мизар, на арапски јазик значи, ѕвезда водилка која на патниците им помага да не се загубат во пустината.

Историја[уреди | уреди извор]

Самонасловениот деби албум „Мизар“ бил снимен во 1988, со тогашните членови на групата: Горан Таневски (вокали), Горазд Чаповски (гитара), Борис Георгиев (тапани), Сашо Крстевски (бас гитара) и Катерина Велјановска (клавијатури). Продуцент на албумот бил Горан Лисица-Фокс. Албумот го донел незаборавниот хит „Девојка од бронза“, а освен сопствените песни, на албумот се нашла и преработката на македонската народна песна „Зајди, зајди“, на албумот насловена како „Златно сонце“. Покрај ова, групата сними многу демо-снимки, а некои од нив се мошне различни од студиските, како на пример пократката верзија за "Градот е нем", која за разлика од студиската, е снимена само на Македонски јазик. Во 1991 следел вториот албум „Свјат Dreams“ кој ја донел необичната обработка на "Sweet Dreams" од Јуритмикс, обработката на народната „1762 лето“ и песната „Дом“ на Ристо Вртев, првиот пејач на Мизар, денес лидер на Архангел. По снимањето на албумот, групата ја напуштил пејачот Горан Таневски, кој бил заменет од пејачката Нора. Со Нора е снимена и последната песна на Мизар - "The Fog", која всушност претставува преработка на песната "Магла", од првиот албум. Кон крајот на 1991 престаналаа со работа. Тогаш, Таневски се посветил на организација на концерти, Каевски ја обновил својата група Cyborg, a Чаповски заминал за Австралија каде што во 1993 ја основал Кисмет, продолжение на Мизар.

По објавувањето на неколку албуми, Чаповски во 1999 се вратил во Македонија и продолжил да работи со Кисмет, кој заедно со него, бил сочинуван од Илија Стојановски (бас гитара) и Стефан Поповиќ (тапани). Тие го поттикнале снимањето на дискот „Tribute To Mizar“ (2001) на кој песните на Мизар биле обработени од македонски алтернативни групи како: Ден потоа, Синијак, Music Makers, Ataraxia, No Name Nation, Мајаковски, Brainless Genius и други. Lithium Records во почетокот на 2003 на компакт дискови ги ре-издала првите две плочи на Мизар, дополнувајќи ги со претходно необјавени демо и концертни снимки.

Второ откровение[уреди | уреди извор]

Во почетокот, групата била повеќе ориентирана кон рок музиката. Но, во 1985, на местото на Ристо Вртев како пејач дошол Горан Таневски, а како клавијатурист Слободан Стојановски. Истата година снимиле неколку демо песни и тргнале на југословенска турнеја заедно со Laibach и Disciplin a kitschme. Со таа промена го промениле и стилот, и под името „Мизар-второ откровение“ нуделе музика базирана на старословенското пеење, македонскиот фолклор, византиската традиција и дарк звукот.

Трето откровение[уреди | уреди извор]

Во 2002 година се родила идејата за повторно собирање на групата поради спектакуларно службено збогување. Наскоро, тие се собрале под името „Мизар-трето откровение“, при што во групата се собрале сите музичари кои во различните фази доаѓале и заминувале од групата. Во почетокот на 2003 година, "Мизар" го објавиле синглот „Почесна стрелба“, кој во многу кус период ги срушил сите рекорди на популарност.

Албумот „Кобна убавина“ бил сниман од јануари до јули 2003 година, во студиото Тралала, под продуцентската палка на Горазд Чаповски и Горан Трајкоски, а бил мастериран во љубљанското "Метро", од страна на Јанез Крижај.

После Трајкоски[уреди | уреди извор]

Во летото 2006 година Горан Трајкоски беше заменат со Горан Таневски. Таа година во ноември Мизар настапуваа во Белград и го најавија новиот албум со Таневски како вокалист. Албумот „Поглед на цветната година“ беше завршен и објавен во 2007 година.

Четврто откровение[уреди | уреди извор]

Во 2010 година, Мизар објавиле нов албум, насловен како „Детето и белото море". Албумот е составен од 10 теми со мотиви од македонската милениумска звучна традиција, збогатена со старословенско пеење, македонски фолклор, византиска традиција и дарк звук. Албумот бил создаден со нов состав на групата, во кој, од оригиналните членови на групата, свирел само Горазд Чаповски. Инаку, во креирањето на албумот учествувал и македонскиот византиски хор „Хармосини“.

На 6 март 2014 година, "Мизар" свиреле како предгрупа на концертот на "Симпл мајндс" (Simple Minds), одржан во салата "Кале", во Скопје. Исто така, Чаповски го најавил излегувањето на новиот албум, наречен "Шарена крава", снимен во студиото "До-ре-ми". Притоа, во новата постава на "Мизар" биле и Зоран Ориѓански, Пеце Китаноски и Сашо Гигов - Гиш. На овој албум, групата им се вратила на рок-корените, ослободувајќи се од македонската традиционална музика и патриотизмот. Како прв сингл од албумот бил издадена песната "Indian summer", а на песната "Небо" гостувала пејачката Јана Бурческа, која претходно била дел од шоуто за музички таленти "Македонски идол".[2]

Петто откровение[уреди | уреди извор]

На 26-ти јуни 2015 излезе документарниот филм „Мизар: Ѕвезда на надежта“, вклучувајќи интервјуа со првите членови на Мизар и разговарање за досега непознатиот период на групата: почетоците во 1981 до 1986. Пред документарниот филм, се сметаше дека Мизар е основана во 1983.

До ден денес, Чаповски остана единствениот константен член на Мизар од основањето во 1981 година.

Постава[уреди | уреди извор]

Документарни филмови[уреди | уреди извор]

Во 2014 година е снимен краткометражниот документарен филм „Мизар - ѕвезда на надежта“ чиј автор е Марко Џамбазоски. Ова е воедно и првиот документарен филм за Мизар, кој го раскажува почетниот, можеби најнепознатиот период на Мизар, од 1981 година до снимањето на првиот албум во 1988 година. Филмот е базиран на сеќавањата на членовите на Мизар од тој период: Горазд Чаповски, Панта Џамбазоски, Горан Таневски, Илија Стојановски и Слободан Стојков. Филмот беше прикажан на неколку интернационални филмски фестивали како што се: Стариград Пакленица (Хрватска), ДОРФ (Хрватска), Скопскиот филмски фестивал (Македонија), МакеДокс (Македонија), КРАФ (Србија) и други.

Покрај овој филм, за бендот Мизар се говори и во документарниот филм на Владимир Петровски - Картер, „Македонскиот Рокенрол“, кој што сведочи за целокупната македонска рок сцена од нејзиното настанување па сè до 2000тите години. Филмот беше прикажан на интернационалниот филмски фестивал „Синедејс-М“ во Скопје.

Дискографија[уреди | уреди извор]

  • 1988 - „Мизар“
  • 1991 - „Svjat Dreams“
  • 2004 - „Кобна убавина“
  • 2007 - „Поглед кон цветната градина“
  • 2010 - „Детето и Белото море“
  • 2014 - „Шарена крава“

Надворешни врски[уреди | уреди извор]

Наводи[уреди | уреди извор]

  1. „„Мизар - ѕвезда на надежта“ - документарен филм за Мизар“. 
  2. "Лидерот на "Мизар" одушевен од Јана Бурческа", Дневник, година XVIII, број 5403, петок, 28 февруари 2014, стр. 19.


Поврзано[уреди | уреди извор]