Крма (соѕвездие)

Крма

Соѕвездие
Список на ѕвезди во соѕвездието Крма
Кратенка	Pup
Генитивно	Puppis
Ректасцензија	7.5 ч.
Деклинација	−30°
Површина	673 (°)² (20th)
Главни ѕвезди	9
Бајерови/Флемстидови ѕвезди	76
Ѕвезди со планети	6
Ѕвезди посјајни од 3,00m	1
Ѕвезди во радиус од 10,00 пс (32,62 сг)	2
Најсјајна ѕвезда	ζ Pup (Naos) (2.25m)
Најблиска ѕвезда	HD 69830 ( сг,  пс)
Месијеови објекти	3
Метеорски дождови	Pi Puppids Zeta Puppids Puppid-Velids
Соседни соѕвездија	Еднорог Компас Едро Кобилица Пиктор Колумба Големо Куче Водна Змија
Видливо на ширина од +40° до −90°. Најдобро се гледа во 21:00 ч. во текот на месец февруари.

Крма (Пупис, Puppis) е соѕвездие на јужното небо. Неговото латинско име означува „крма на брод“, и првобитно било дел од поголемото соѕвездие, Бродот Арго (Argo Navis), кое подоцна е поделено на три дела. Останатите соѕвездија се: Кобилица и Едро. Соѕвездието Крма е најголемото од трите.

Карактеристики

Ѕвезди со имиња

Бајерово означување	Име	Потекло	Значење
ζ	Naos	грчки	брод
ξ	Asmidiske	грчки	највисокиот дел од бродскиот труп

Планетарни системи

Пронајдени се неколку системи со екстрасоларни планети околу ѕвездите во ова соѕвездие, меѓу кои:

• На 1 јули 2003 година, пронајдена е планета која орбитира околу ѕвездата HD 70642. Овој планетарен систем е налик на Јупитер со широка орбита и долг период на орбитирање.

• На 17 мај 2006 година, откриено е дека HD 69830 (најблиската ѕвезда од ова соѕвездие) има три планети со големина на Нептун, што претставува првиот повеќеѕвезден систем во кој нема планета налик на Јупитер или на Сатурн. Таа ѕвезда исто така има и астероиден појас во реонот меѓу средната и надворешната.

• На 21 јуни 2007 година, пронајдена е првата планета во ѕвезденото јато NGC 2423, околу ѕвездата која е црвен џин - NGC 2423-3. Планетата е најмалку 10,6 пати поголема од Јупитер и орбитира на растојание од 2,1 AU.

• На 22 септември 2008 година, пронајдени се две планети налик на Јупитер околу HD 60532. HD 60532 b има минимална маса од 1,03 M_J, орбитира на 0,759 AU, а ѝ требаат 201,3 дена за да ја помине целата орбита. HD 60532 c има минимална маса од 2,46 M_J, орбитира на растојание од 1,58 AU, а ѝ требаат 604 дена за да ја помине целата орбита.

Наводи

• Ian Ridpath and Wil Tirion (2007). Stars and Planets Guide, Collins, London. ISBN 978-0007251209. Princeton University Press, Princeton. ISBN 978-0691135564.
• Richard Hinckley Allen, Star Names, Their Lore and Legend, New York, Dover.

Надворешни врски

• Фотографски водич низ соѕвездието: Крма