Калифорниски Залив

Од Википедија, слободната енциклопедија
Прејди на: содржини, барај
Калифорнискиот Залив

Познат и како Кортезово Море, Калифорнискиот Залив е 1,200 км долг ракав кој од Тихиот Океан се протега до западниот брег на Мексико. Се наоѓа на границата меѓу Пацифичката и Северноамериканската плоча и се смта дека бил создаден со ширење на морското дно за време на последните 6 милиони години. Калифорнискиот Залив се состои од две одвоени области. Северниот дел е главно плиток - поради натрупаната тиња која илјади години ја носела реката Колорадо - и има голема амплитуда на приливот. Јужниот дел е многу подлабок и не е под влијание на приливот, а го опфаќа басенот Гвајмас преполн со хидротермални извори. Големото количество сончева светлина во оваа област заедно со хранливите состојки што водата ги подига на површината, се погодни за брзо растење на планктонот со кој се хранат рибите во огромните пространства. За жал, животната средина во овој залив денес е многу загрозена од претераниот риболов, многу развиениот туризам и недостигот од прилив на слатка вода.