Лигурско Море
Лигурското Море (итал. Mar Ligure; фр. Mer Ligurienne) е ракав на Средоземното Море, помеѓу Италијанската Ривиера (Лигурија и Тоскана) и островите Корзика и Елба. Именувано е по древниот народ Лигури.
Содржина |
[уреди] Географија
Морето копнено се граничи со Италија, Франција и Монако. На исток се граничи со Тиренското Море, а на запад со главнината на Средоземното Море. Најважен град во областа е Џенова. Северозападното крајбрежје е познато по живописниот пејзаж и пријатната клима.
Најсеверниот дел од морето го зафаќа Џеновскиот Залив. Во источниот дел се влева реката Арно, како и многу други реки што извираат од Апенините. На карпестото крајбрежје се сместени пристанишните градови Џенова, Ла Специја и Ливорно. Достигнува длабочина од 2.850 m (северозападно од Корзика).
Водната површина што ја дели Корзика од италијанското копно се нарекува Корзинански Проток. Протокот е широк околу 80 km и го двои Лигурското од Тиренското Море.
[уреди] Граници
Според Меѓународната хидрографска организација, Лигурското Море ги има следниве граници:[1]
На југозапад: Линија од ‘ртот Корс во северна Корзика (9°23' ИГД) до границата помеѓу Франција и Италија (7°31' ИГД).
На југоисток: Линија од ‘ртот Корс до островот Тинето (44°01′N 9°51′E / 44.017°N 9.85°E) и потоа преку островите Тино и Палмарија до ‘ртот Сан Пјетро (44°03′N 9°50′E / 44.05°N 9.833°E) на италијанското крајбрежје.
На север: Лигурското крајбрежје на Италија.
[уреди] Поврзано
[уреди] Наводи
- ↑ „Граници на океаните и морињата. III издание“. Меѓународна хидрографска организација. 1953. http://www.iho-ohi.net/iho_pubs/standard/S-23/S23_1953.pdf. проверено на 7 февруари 2010. (англиски)
 |
Заедничката Ризница има податотеки поврзани со: „Лигурско Море“ |
