Балеарско Море

Од Википедија — слободната енциклопедија
Прејди на: содржини, барај

Карта на Балеарското Море
Сателитска снимка на Балеарското Море

Балеарското Море или Ибериско Море (шпан. и катал. Mar Balear) е водна површина во Средоземното Море близу Балеарските Острови. Во каталонскиот јазик морето се нарекува и „Каталонско-балеарско Море“ (Mar Catalanobalear).

Во ова мало море се влева реката Ебро.

Граници[уреди]

Според Меѓународната хидрографска организација, Балеарското Море ги има следниве граници:[1]

Помеѓу Балеарските Острови и крајбрежјето на Шпанија, ограничено:

На југозапад. Линија од ‘ртот Сан Антонио (38°50′ СГШ 0°12′ ИГД /  ) до ‘ртот Берберија, југозападниот крај на Форментера (Балеарски Острови).

На југоисток. Јужното крајбрежје на Форментера, оттаму линија до ‘ртот Ротха, неговиот источен крај, па до јужниот крај на островот Кабрера (39°07′ СГШ 2°54′ ИГД /  ) и до Ветровитиот Остров, близу јужниот крај на Минорка.

На североисток. Источното крајбрежје на Минорка до ‘ртот Фаварич (40°00′ СГШ 4°14′ ИГД /  ), а оттаму линија до ‘ртот Сан Себастијан (Шпанија) (41°54′ СГШ 3°10′ ИГД /  ).

Наводи[уреди]

  1. „Граници на океаните и морињата, III издание“. Меѓународна хидрографска организација. 1953. http://www.iho-ohi.net/iho_pubs/standard/S-23/S23_1953.pdf. конс. 7 февруари 2010.  (англиски)