Црква „Св. Архангел Михаил“ - Грчиште

Од Википедија — слободната енциклопедија
Прејди на прегледникот Прејди на пребарувањето
Coat of arms of the Macedonian Orthodox Church.png
Macedonian cross.svg
Свети Архангел Михаил
Викиекспедиција Бојмија 203.jpg
македонска православна црква
Епархија Повардарска
Архијерејско намесништво Гевгелиско
Парохија Валандовска
Местоположба

Координати 41°15′26.9″N 22°29′55.4″E / 41.257472° СГШ; 22.498722° ИГД / 41.257472; 22.498722Координати: 41°15′26.9″N 22°29′55.4″E / 41.257472° СГШ; 22.498722° ИГД / 41.257472; 22.498722
Место Валандово
Општина Валандово
Држава Македонија
Општи податоци
Покровител Архангел Михаил
Изградба 1849
Архитектонски опис
Архит. тип трикорабна

Свети Архангел Михаил — главна селска црква во валандовското село Грчиште. Црквата се наоѓа на самото сретсело.

Историја[уреди | уреди извор]

Според натписот над споредната врата од западната страна, кој е оштетен и тешко читлив, црквата била изградена во 1849 година. Годината е испишана во ниша над крст изведен во релјеф.[1]

Архитектура[уреди | уреди извор]

Градбата на црквата е трикорабна, со рамни дрвени тавани, потпрени на шест столба. Таа содржи женски дел во нејзината западна страна, а на источната страна завршува со полукружна апсида. Кон јужната страна, каде е сместен главниот влез, е доградена припрата.[1]

Внатрешноста на црквата е фрескоживописана, а автори на фреските се браќата Доневи од селото Гари. Во црквата има иконостас кој е широк околу десет метри и е исполнет со вредни стари икони од XIX век. Царските двери се изработени во резба и претставуваат ретко убаво копаничарско дело од XIX век на просторот на јужновардарскиот регион. Не е познато името на авторот, но не се исклучува можноста да бил Андон Китанов, кој подолго време работел во овој крај.[1]

Во дворот на црквата се наоѓаат камбанаријата и помошен објект. Камбанаријата има квадратна основа и истата се издига над оградата од дворот, непосредно од левата страна на влезната порта. Таа е поделена во два дела, при што долниот дел е понизок и со поголема основа, додека горниот дел е повисок и на секоја од четирите страни има по една монофора.

Галерија[уреди | уреди извор]

Поврзано[уреди | уреди извор]

Наводи[уреди | уреди извор]

  1. 1,0 1,1 1,2 „Цркви во Валандовско“. Повардарска епархија. 2 јуни 2008. Посетено на 20 јули 2017.

Надворешни врски[уреди | уреди извор]