Црква „Св. Димитриј“ - Валандово
  Свети Димитриј
| |
Поглед кон црквата | |
| македонска православна црква | |
| Епархија | Повардарска |
| Архијерејско намесништво | Гевгелиско |
| Парохија | Валандовска |
| Местоположба | |
|---|---|
|
| |
| Координати | 41°19′17.5″N 22°33′26″E / 41.321528° СГШ; 22.55722° ИГДКоординати: 41°19′17.5″N 22°33′26″E / 41.321528° СГШ; 22.55722° ИГД |
| Место | Валандово |
| Општина | Валандово |
| Држава | Македонија |
| Општи податоци | |
| Покровител | Свети Димитриј Солунски |
| Изградба | 1830 |
| Архитектонски опис | |
| Архит. тип | трикорабна |
Свети Димитриј — гробјанска црква во Валандово, а воедно и парохиски храм на Валандовската парохија. Црквата се наоѓа над последните куќи во северозападниот дел на градот, на зарамнета падина на разгранок од планината Плавуш.
Историја[уреди | уреди извор]
Црквата е подигната во 1830 година.[1]
Архитектура[уреди | уреди извор]
Градбата на црквата е трикорабна и со рамни тавани, при што на неговиот полукружен свод е насликана икона со платно со претставата на Исус Христос Седржител. Средишниот кораб на градбата ги надвишува страничните два, а црквата завршува со полукружна апсида на источната страна. Покривната конструкција е изградена на две води и е потрена на два реда од по четири симетрично поставени столбови. Влезната врата е сместена на јужната страна и над неа има застаклена ниша со фреска на која е претставен Свети Димитриј.[1]
Во црквата има стари икони кои потекнуваат од XVII, XVIII и XIX век, изработени од непознати зографи, но и понови кои се од XX век. Сегашниот иконостас е изработен во 1988 година од црковниот уметник Мишко Милановиќ, со помош на двајца соработници, а е осветен на 7 април 1989 година од тогашниот митрополит на Повардарската епархија, г. Михаил.[1]
Поради нејзината поставеност во просторот, црквата е недоволно препознатлива и привлечна. Југозападно од црквата се наоѓа камбанаријата, која според натписот на северната страна, е изградена во 1898 година, а обновена во 1994 година.[1] Во дворот на црквата има помошен објект, кој според наведениот натпис, е изграден во 1936 година. Во склоп на црквата се и градските гробишта.
Галерија[уреди | уреди извор]
Влезот во црквата
Икона над влезот
Дворот на црквата
Поврзано[уреди | уреди извор]
Наводи[уреди | уреди извор]
- ↑ 1,0 1,1 1,2 1,3 „Цркви во Валандовско“. Повардарска епархија. 2 јуни 2008. Посетено на 20 јули 2017.
Надворешни врски[уреди | уреди извор]
Црква „Св. Димитриј“ - Валандово на Ризницата ?
