Мелиља (шпански: Melilla) — автономен град во Шпанија и шпанска ексклава на средоземниот брег на Северна Африка кој припаѓа на Шпанија од 1497 г. До 1995 г. градот влегувал во покраината Малага. Зафаќа површина од 20 км2 и има 73.000 жители.
Градот се граничи со Мароко, со што таа држава полага право над градот. Се повикува на барање градот да биде под нејзина контрола, слично како во случајот со Гибралтар се наоѓа на шпанска територија, а е под британска контрола. Меѓутоа Владата на Шпанија и шпанскиот народ не се согласуваат, велејќи дека Мелиља и Сеута отсекогаш биле и ќе бидат шпанска територија.
