Лав

Лав Период: Ран Плеистоцен до денес
Мажјак
Женка (Лавица)
Научна класификација
Царство:	Animalia
Колено:	Хордати
Класа:	Цицачи
Ред:	Ѕверови
Фамилија:	Felidae
Род:	Panthera
Вид:	P. leo
Биномен назив
Panthera leo (Лине, 1758)
Историска (црвено) и сегашна (сино) распостранетост на лавот.

Лавот (Panthera leo) е еден од четирите големи мачки од родот Panthera, и член на семејството Felidae. Некои машки примероци надминуваат 250 kg (550 lb) во тежина, со што лавот е втора најголема мачка која живее на земјата по тигарот. Дивите лавови живеат слободно во природата во Супсахарска Африка, и во Азија со критично загрозена популација во северозападна Индија, а во минатото лавови живееле во Северна Африка, Блискиот Исток, и Западна Азија. Се до доцниот Плеистоцен, кој траел до пред 10,000 години, лавот бил најраширен копнен цицач по човекот. Тие се најдени во поголем дел од Африка, голем дел од Евроазија од западна Европа до Индија, и во Америка од Јукон до Перу.

Лавот во природа живее од 10 до 14 години, додека во заробеништво може да живее над 20 години. Во дивина, машките лавови често пати живеат подолго од 10 години, иако борбите со ривалите предизвикуваат повреди. Лавот живее во саваната и тревници, иако може да се најде и во грмушки и во шума. Лавовите се необично друштвени животни во споредба со другите мачки. Група женски лавови обично ловат заедно.