КК Еуроникел 2005

Од Википедија — слободната енциклопедија
(Пренасочено од КК Фени Индустри)
Прејди на прегледникот Прејди на пребарувањето
КК Еуроникел 2005
2018/19
ЛигаПрва Лига Мажи
Основан11 јануари 1970; пред 49 години (1970-01-11)
ЛокацијаКавадарци
Бои на клуботпортокалова, бела и црна
              
ПретседателАрвинд Мундра
ТренерГоран Самарџиев
Позиција 2018/197ми
Прваци3 Прва кошаркарска лига
2 Куп на Македонија
1 БИБЛ
Дресови
Kit body thinorangesides 2.png
Домашен jersey
Kit shorts orangesides.png
Team colours
Домашен
Kit body thinblacksides.png
Гостински jersey
Kit shorts blacksides.png
Team colours
Гостински


Кошаркарскиот клуб Еуроникел 2005 - македонски кошаркарски клуб, со седиште во Кавадарци. Клубот бил трикратен првак во Првата македонска кошаркарска лига и двократен првак во Купот на Македонија. Своите натпревари, клубот ги игра во спортската сала „Јасмин“ во Кавадарци.

Во својата историја, овој клуб дал многу значајни имиња кои ја афирмирале кошаркарката, градот Кавадарци и Република Македонија. Меѓу нив, најпознати се: Врбица Стефанов, Тодор Гечевски, Ристе Стефанов и Горан Самарџиев.

Историја[уреди | уреди извор]

Создавање[уреди | уреди извор]

Во 1969 година, по иницијатива на И. Каровски, Б. Ивановски, Д. Галапчев, Ж. Клинчаров, Т. Ридов, М. Ацев, Б. Камчев и Р. Прескакулев се формирал кошаркарскиот клуб Тиквеш, кој и официјално постои од 11 јануари 1970. Прв тренер на КК Тиквеш бил професорот Живко Клинчаров, а подоцна како предводници на клубот работеле и Р. Анѓушев, Д. Пецов, Т. Клинчаров, П. Камчевски, О. Тотов и други. Во својот прв официјален настап, Тиквеш го декласирал тимот на "23 Октомври" од Кочани со резултат 102-64. На тој натпревар настапувале: А. Књазев, С. Кировски, М. Спанџов, Б. Петреназов, М. Ацев, К. Спанџов, О. Тотов, Б. Гечевски, П. Камчевски, З. Мукаетов и А. Галапчев. Најголемиот успех, кошаркарите на Тиквеш го постигнале во сезоната 1984/1985, кога го освоиле првото место во Првата македонска републичка лига.[1]

Настапи во Првата македонска лига[уреди | уреди извор]

Во првата сезона на Првата македонска кошаркарска лига, во сезоната 1992/93, КК Тиквеш обезбедил пласман. Клубот си го сменил името и од 1995 до 1997 настапувал како КК Алумни Деком Тиквеш, а потоа во КК Орка Спорт (од 1997 до 1999 година) и повторно во КК Тиквеш (од 1999 до 2002 година).[2]

Во 2005 година, како главен спонзор на клубот влегла компанијата „Фени Индустри“ и поради тоа, клубот го променил името во КК Фени Индустри. Во сезоната 2005/2006, клубот настапувал во Втората лига, каде го освоил второто место и така обезбедил пласман во Првата лига. Во следната сезона 2006/2007, го освоил шестото место во Првата лига, а веќе во сезоната 2007/2008 била освоена двојната круна - шампион на Македонија и освојувач на Купот.[3] Во сезоната 2008/2009, Фени Индустри загубил во финалето против Фершпед Работнички во првенството, додека во купот стигнал до полуфиналето. Сезоната 2009/2010, исто така, била успешна за клубот, кој повторно ја освоил двојната круна. Во сезоната 2010/2011, Фени Индустри ја освоил третата титула во Првата лига, додека во Купот стигнал до полуфиналето. Во сезоната 2011/2012, престанала доминацијата на кавадаречкиот клуб, кој стигнал до финалето во Првата лига и во Купот, каде на двапати загубил од МЗТ Аеродром. Во сезоната 2012/2013, Фени Индустри стигнал до полуфиналето во Лигата и во Купот. Сезоната 2013/2014 била најлоша сезона во поновата историја на клубот, Фени не успеал да обезбеди пласман во Суперлигата со што играл опстанок односно Плејаут, а во Купот стигнале до четвртфинале. Во Првенството 2014/2015, Фени Индустри бил елиминиран во полуфиналето од МЗТ Аеродром.[4]

На 8 јули 2019 година, Фени Индустри го сменил своето име во Еуроникел 2005.[5] Причина за смена на името било промена на сопствеништвото на главниот сопственик и спонзор на клубот - Топилницата Фени Индустри која била откупена и преименета во Еуроникел Индустри во март истата година.[6]

Успеси[уреди | уреди извор]

КК Еуроникел 2005 има забележано неколку успеси, меѓу кои:

Еуроникел 2005 има учествувани и во неколку европски купови, како што е Купот Корач.

Состав 2018/2019[уреди | уреди извор]

Главен тренер на тимот е Горан Самарџиев.

број име висина цм позиција години националност пристигнал
во (година)
претходен клуб
5 Јане Петровски 181 Разигрувач 34 Македонија Македонија 2015 Работнички
13 Милан Милков 206 Крилен центар 22 Македонија Македонија 2013 Младински состав
15 Никола Кицев 185 Бек /
Крилен центар
21 Македонија Македонија 2014 Младински состав
10 Предраг Пајиќ 198 Бек 26 Македонија Македонија 2014 Вардар
25 Петар Коцев 24 Македонија Македонија 2017 Радовиш
35 Иван Сапунџиев 196 Бек 24 Македонија Македонија 2018 Карпош Соколи
11 Филип Бакоч 203 Центар 23 Македонија Македонија 2018 АВ Охрид
4 Љупчо Мелов 18 Македонија Македонија 2017 Младински состав
7 Горјан Марковски 196 Бек /
Крилен центар
26 Македонија Македонија 2016 МЗТ Аеродром
24 Лук Мејер 208 Крилен центар 21  САД 2018 Сентрал Мичиген Чипевас САД
21 Ѓорѓе Каплановиќ 210 Крилен центар
/ Центар
24 Црна Гора Црна Гора
 Србија
2019 Металац Србија
32 Блажо Митков 201 Крилен центар 21 Македонија Македонија 2019 Кожув

Извор: Македонска Кошаркарска Федерација eurobasket.com

Поврзано[уреди | уреди извор]

Наводи[уреди | уреди извор]

  1. Одбележување 46 години од формирањето на првиот кошаркарски клуб во Кавадарци a1on.mk 11 јануари 2016
  2. На денешен ден, во 1970 година, во Кавадарци е формиран kavadar4e.com 11 јануари 2014
  3. „ФЕНИ ИНДУСТРИ НОВ КОШАРКАРСКИ ШАМПИОН“. utrinski.mk. 8 јуни 2008. 
  4. Шампионот МЗТ преку Кавадарци до ново финале ekipa.mk 24 мај 2015
  5. РТК - Фени Индустри“, РТК на Facebook преку web.archive.org, 8 јули 2019 (посет. 1 септември 2019 г).
  6. „Фени“ сега е Еуроникел индустри, и има недостиг од стручен кадар“, telma.com.mk преку web.archive.org, 6 март 2019 (посет. 1 септември 2019 г).

Надворешни врски[уреди | уреди извор]