Пиринска Македонија

Пиринска Македонија е дел од географскиот регион Македонија и се простира во југозападниот дел на Република Бугарија, главно на територијата на Благоевградска област и е со површина од околу 7000 km².

Пиринска Македонија во рамките на етничка Македонија

Историја

Пиринска Македонија e дел од етничката територија Македонија, кој по Букурешкиот мировен договор во 1913 година припаднал на Бугарија. Во антиката Пиринска Македонија најпрвин била дел од Пајонија и Тракија, а подоцна станала дел од царството Античка Македонија. Во римскиот период Пиринска Македонија доживува своевиден процут, за што сведочат повеќето археолошки ископини на атнички градови во близината на денешните градови Благоевград, Сандански, село Рупите и др. Во средновековниот период Пиринска Македонија била под власта на царот Самуил, Византија и балканските феудалци. Со доаѓањето на Турците, Пиринска Македонија бележи одредена стагнација, но сепак не го напушта својот непокорлив македонски дух. За време на Руско-турската војна во 1877-8 година, северниот дел на Пиринска Македонија ќе потпадне под руската окупациона зона, но по Берлинскиот конгрес ќе и биде вратен на Турција. На подрачјето на Пиринска Македонија е кренато Кресненското (Македонското) востание против османлиската власт во 1878/79 година со центар во Кресна, кое имало силен македонски национален карактер и цел да создаде независна автономна македонска држава. Кон крајот на XIX век на територијата на Пирин со својата чета ќе царува големиот македонски револуционер и великан Јане Сандански (близок соработник на Гоце Делчев и најголем борец против врховизмот) кој е познат под прекарот „Пирински цар“ и кој ќе го изврши познатото грабнување на протестантската мисионерка Мис Стон. По Втората светска војна во времето на владеењето на Георги Димитров, Македонците од Пиринска Македонија ќе добијат целосна културна автономија која требала преку законска рамка да прерасне во територијална и Пиринска Македонија да се обедини кон тогашната СР Македонија како кон матична држава во рамките на Балканската федерација.

Според пописот од 2001 населението на Пиринска Македонија (Благоевградска област) брои 341.173 жители. Како мајчин јазик го декларирале бугарскиот 306.118 (89,73%), 19.819 (5.81%) жители го признале за мајчин јазик турскиот, а 9.232 (2.71%) - ромскиот.

Демографија

Според последниот попис од 2011 година, 814 лица во Пиринско се декларирале како Македонци (0,29%), 544 од нив декларирале македонскиот јазик како мајчин (0,19%), а општо 561 од населението на област Благоевград декларирале македонскиот јазик како мајчин (0.20%).

Официјални податоци од бирото за статистика на Бугарија за населението во Благоевградската област според пописот во 2011 година:

Етнички групи во Благоевградската област

Eтничка група	броj	%
бугарска	248.613	88,65%
турска	16.774	5,98%
ромска	9.429	3,36%
Не се декларирале	2.595	0,93%
Друга	1.743	0,62%
македонска	814	0,29%
руска	320	0,11%
украинска	62	0,02%
грчка	54	0,02%
ерменска	26	0,02%
ромунска	12	0,00%
Вкупно	280.444	100%

Географија

Во целост во Благоевградската област може да се одделат 6 географски целини:

• Планината Пирин (со планината Славjанка на jуг) во средишниот дел на областа.
• Осоговско-Беласишката планинска група, коjа ги вклучува планините Осогово, Влаина, Малешевска планина, Огражден и Беласица, преку кои минува границата со Република Македонија.
• Долината и сливното подрачје на реката Струма западно од Пирин планина и околината на градот Петрич во плодна широка рамнина (котлина).
• Долината и сливното подрачје на реката Места источно од Пирин планина, која истотака во јужниот дел во околината на градот Гоце Делчев е плодна и пространа рамнина со повисока надморска височина од Петричкото поле.
• Наjзападните ридови на планината Родопи на исток од реката Места.
• Jужниот дел на планината Рила.

Список на населените места во Пиринска Македонија

Општина Банско

Банско, Гостун, Добриниште, Кремен, Места, Обидим, Осеново, Филипово

Општина Белица

Бабјак, Белица, Врхари, Гaл’бово, Горно Краиште, Дагоново, Златарица, Краиште, Кузово, Лјутово, Орцево, Палатик, Черешово

Општина Благоевград

Бело поле, Бистрица, Благоевград, Бучино, Б’лгарчево, Габрово, Горно Хрсово, Дебочица, Делвино, Дренково, Д’брава, Еленово, Зелендол, Изгрев, Клисура, Лешко, Лисија, Логодаж, Марулево, Моштанец, Обел, Падеш, Покровник, Рилци, Селиште, Церово

Општина Гоце Делчев

Баничан, Борово, Брезница, Буково, Господинци, Гоце Делчев, Делчево, Добротино, Драгостин, Корница, Л’жница, Мусомишта, Средна

Општина Грмен

Балдево, Горно Дреново, Грмен, Дебрен, Долно Дреново, Д’бница, Ковачевица, Крушево, Лештен, Марчево, Огнјаново, Ореше, Осиково, Рибново, Скребатно, Хвостјане

Општина Јакоруда

Аврамово, Бел камен, Бунцево, Јуруково, Јакоруда Конарско, Смолево, Черна Места,

Општина Кресна

Влахи, Кресна, Горна Брезница, Долна Градешница, Оштава, Сливница Стара Кресна,

Општина Петрич

Баскалци, Беласица, Богородица, Боровичене, Вишлене, Волно, Габрене, Гега, Генерал Тодоров, Горчево, Долене, Долна Крушица, Долна Рибница, Долно Спанчево, Драгуш, Дрангово, Дреновица, Дреново, Зојчене, Иваново, Јаворница, Јаково Кавракирово, Камена, Капатово, Кладенци, Клуч, Коларово, Кромидово, Крнџилица, Кукурахцево, Кулата, Крналово, Марикостиново, Марино поле, Мендово, Митино, Михнево, Ново Кономлади, Рупите, Петрич, Право брдо, Првомај, Рибник, ’Рждак, Самуилова крепост, Самуилово, Скрт, Старчево, Струмешница, Тонско дабе, Тополница, Чурилово, Чуричени, Чучулигово,

Општина Разлог

Бања, Бачево, Годлево, Горно Драглиште, Доб’рско, Долно Драглиште, Елешница, Разлог

Општина Сандански

Белевехчево, Бељово, Бождово, Виногради, Вихрен, Врања, В’лково, Голем Цалим, Голешово, Горна Сушица, Горно Спанчево, Дамјаница, Дебрене, Долени, Зорница, Златолист, Јаново, Калиманско, Катунци, Кашина, Ковачево, Крстилци, К’рланово, Ладарево, Ласкарево, Лебница, Левуново, Лехово, Лешница, Лилјаново, Лозеница, Лјубовиште, Лјубовка, Малки Цалим, Мелник, Ново Делчево, Ново Хоџово, Петрово, Пиперица, Пирин, Плоски, Поленица, Рожен, Сандански, Склаве, Спатово, Стожа, Струма, Сугарево, Хотово, Храсна, Хрсово, Черешница, Џигурово,

Општина Сатовча

Боголин, Ваклиново, В’лкосел, Годешево, Долен, Жижево, Кочан, Крибул, Осина, Плетена, Сатовча, Слаштен, Туховишта, Фргово

Општина Симитли

Брежани, Брестово, Горно Осеново, Градево, Докатичево, Долно Осеново, Железница, Крупник, Мечкул, Полена, Полето, Ракитна, Сенокос, Симитли, Сухострел, Сушица, Тросково, Черниче

Општина Струмјани

Велјуштец, Вракуповица, Гореме, Горна Крушица, Горна Рибница, Добри лаки, Драката, Игралиште, Илинденци, Каменица, Клепало, Колибите, Крпелево, Махалата, Микрево, Никудин, Палат, Раздол, Седелец, Струмјани, Цапарево

Општина Хаџидимово

Абланица, Беслен, Блатска, Гајтаниново, Илинден, Копривлен, Л’ки, Нова Ловча, Ново Лески, Парил, Петрелик, Садово, Теплен, Тешово, Хаџидимово

Македонски весници во Пиринска Македонија

• Народна Волја
• Македонски Глас

Поврзано

• Македонија
• Егејска Македонија
• Вардарска Македонија
• Регион Македонија

Надворешни информации и врски

• Документарен филм од 1990 година за Македонците во Бугарија (Видео)
• Попис 2001
• Интернет издание на „Народна Волја“

Галерија

• 

  Банско, гледан од врв Вихрен, Пирин планина.

• 

  Спомен-плоча на загинатите за ослободувањето и обединувањето на Бугарија во центарот на Благоевград.

• 

  Споменик на Паисиј Хилендарски, бугарски преродбеник, во Банско.

• 

  Зградата на Општината во Благоевград.