Марица

Од Википедија — слободната енциклопедија
Прејди на: содржини, барај
Марица

Марица во Пловдив
Извор Маричините Езера во Рила
Утока Егејско Море
Земји во сливот  Бугарија
 Турција
 Грција
Должина 515 км
Надм. вис. на изворот 2.378 м
Прос. истек 200 м³/с
Сливно подрачје 53.000 км²

Марица (бугарски: Марица; грчки: Έβρος, Еврос; турски: Meriç, Мерич) — најголемата река во и Тракија и Пиринска Македонија. Извира од Маричините езера во Рила, тече на југоисток во Горнотракиската низина и се влева во Егејското Море недалеку од градот Дедеагач. Долга е 515 км[1] и покрива површина од приближно 53.000 км².[2]

По реката е наречен и округот Марица (Еврос) во областа Источна Македонија и Тракија, денес во Грција.

Во минатото Марица била пловна река од Белово надолу по течението, но во денешно време не е толку длабока, бидејќи доста брани ги задржаат водите на важните и притоки. На нејзините брегови се базираат многу населби - сегашните градови Долна Бања, Костенец, Белово, Пазарџик, Пловдив, Димитровград, Симеоновград, Харманли, Љубимец, Свиленград, Одрин и др.

Марица е најмноговодната река во Бугарија и е со релативно константен проток. Нејзиниот водосборен базен опфаќа голем дел од јужна Бугарија, од Стара Планина до Родопите и од Рила до Сакар. Реката има околу 100 притоки. Водите и главно се користат за наводнување, а во долна и текот е изграден речен канал. При граничниот премин Капитан Андреевo реката Марица напушта територијата на Бугарија и поголемиот дел на долниот и тек ја дефинира границата меѓу Грција и Турција. Реката е пловнa за мали бродови од Едрене до устието и во Егејското Море.

Поврзано[уреди]

Наводи[уреди]

  1. Theodore D. Kanellopoulos, Vasilios Kapsimalis, Serafim E. Poulos, Michael O. Angelidis, Aristomenis P. Karageorgis, Kosmas Pavlopoulos: The influence of the Evros River on the recent sedimentation of the inner shelf of the NE Aegean Sea. in: Environmental geology. New York 2007. doi:10.1007/s00254-007-0754-2 ISSN 0943-0105
  2. old.bluelink.net - Марица