Кашина

Кашина — село во Општина Свети Врач, во регионот Пиринска Македонија, во југозападниот дел на Бугарија.

Кашина
Кашина Местоположба на Иваново во Пиринска Македонија
Координати: 41°32′0″N 23°28′0″E
Држава	Бугарија
Област	Благоевград
Општина	Свети Врач
Надм. вис.	&10000000000000728000000728 м
Население (2011)
• Вкупно	10
Часовен појас	EET
• Лете (ЛСВ)	EEST (UTC)
Поштенски код	2820

Географија и местоположба

Селото се наоѓа во југозападните падини на Пирин Планина, на надморска височина од 728 метри. Оддалечено е 37 километри источно од Свети Врач и 40 километри североисточно од градот Петрич.

Историја

Влезот на старата црква

Црквата „Успение на Пресвета Богородица“ потекнува од првата половина на XIX век.

Во XIX век селото е дел од Мелничката каза на Серскиот санџак во Отоманското Царство.

Според статистиката на Васил К’нчов („Македонија. Етнографија и статистика“) кон краjот на ХІХ век, во селото имало 180 жители, сите Македонци.

Според секретарот на Бугарската егзархија Димитар Мишев, („La Macédoine et sa Population Chrétienne“) во 1905 година во Кашина имало 256 Македонци, патријаршисти.

Во почетокот на април 1905 година врховистите, предводени од капетанот Јордан Стојанов, започнуваат поход во Мелничко против Јане Сандански. Во ноќта помеѓу 6 и 7 април, врховистите заминуваат од селото Кашина и се упатуваат кон селото Ковачево, но пред полноќ наидуваат на неочекувана заседа, организирана од Јане Сандански. Во заседата учествувале четите на Сандански, Таската Серски, Атанас Тешовалијата, сѐ на сѐ околу седумдесет комити. Борбата се одликувала со необична жестина и во престрелката загинале седум врховисти, а шест биле ранети. Меѓу загинатите врховисти биле војводите Давитко, Партениев, потпоручникот Јанков и др., а капетанот Јордан Стојанов бил ранет и одвај се спасил, оставајќи околу четириесет врховисти во заробеништво. Другите се предале и биле разоружени.

Демографија

Кашина е мало село. Според пописот од 2011 година, во селото живееле 10 жители, сите запишани како Бугари.

На табелата е прикажан националниот состав на населението во селото:

Поглед на селото

На табелата е прикажан бројот на населението во Кашина за периодот 1965-2011:

година	1934	1946	1956	1965	1975	1985	1992	2001	2011
население	262	324	323	231	100	40	27	21	10

Според Националниот статистички институт на Бугарија, по проценките од 31 декември 2015 година, во Кашина имало 15 жители.

Културни и природни знаменитости

Димитар Кашалијата

Личности

• Димитар Кашалијата (1880 - 6 април 1905, Кашина) - македонски револуционер, серски војвода на Македонската револуционерна организација.